大師傅粥品 (牛頭角道)

Open Now

Now Closed

近來身體抱恙食野要就住就住，今晚去左外賣碗粥食加埋炸兩，結帳都只係四十蚊價錢算經濟，而外賣每樣野都要俾多一蚊。每次夜晚經過都見粥店內唔少食客幫襯，食客有老有嫩，天氣凍食碗粥暖暖地確係唔錯。店內環境一般光線充足，可望見廚房三位員工忙過不停。點了餐不到三分鐘就到效率幾高。菜乾豬骨粥 $22下火粥菜乾豬骨粥係一個好選擇，菜乾都幾多下，豬骨兩舊真係得骨無肉的，粥底唔算好棉但有味，味道唔錯。炸兩腸 $16份量唔少炸兩都有好多件，油炸鬼無油膉味仲少少脆，自行落埋豉油、麻醬、甜醬食完，簡單好味食完都幾飽。