牛扒先生 (康怡廣場) (Closed)

週四晚約咗舞友去太古城睇戲，開場之前就由佢帶路，喺康怡廣場間「牛扒先生」度醫肚。餐店樓面唔高，不過勝在面積寬廣，開揚通爽，厚墊座椅都好好坐 。太陽未落山就食晚飯，故有最o既卡位坐。入座後，年經貌美o既服務生隨即送上清水及餐牌。見晚市套餐每客包有頭盤、主菜、甜品、咖啡或茶，百幾二百蚊有交易，兩口子就各自點選心頭好。 干邑龍蝦湯：舞友叫o既龍蝦湯跟麵包上。泰式燒牛肉沙律：沙律翠綠爽口。泰式燒牛肉惹味討好 ，極之開胃。新鮮蜆辣肉腸意大利天使幼麵（$148）：蜆隻鮮甜，天使麵柔軟幼嫩，簡單撈入咗啲生洋蔥絲，更能增添爽脆濕潤 ，勁啱細佬口味。美國Double R大牧場優級肉眼牛扒（$228）：友人選擇得喺扒房用膳，主菜亦順理成章地揀食牛扒。細佬最愛見血水，慣食三、四成熟；意外地，舞友份五、六成熟o既肉眼扒肉質都好夠軟腍。食飯中途，四眼哥哥同佢位靚女拍檔已不斷為二人斟添清水，食完主菜仲好衛生地先清理好桌上不潔o既餐具，再落埋餐茶同甜品，服務貼身得很 。朱古力曲奇芝士餅：芝士餅微甜軟滑，輕巧美味 。法式焦糖陳皮燉蛋：燉蛋同樣香滑甜美，兩款甜品各有特色。康怡廣場內o既食肆主要都係做街坊生