韓盛朗 (Closed)

今日到美孚搵朋友順道食晚飯，見到有間韓國小店即管試一試。餐廳細細，座位不多，星期一至五有晚市套餐供應，價錢由$88至$128不等。入座後店員會奉上麥茶，但人手不足，添茶、落單及收拾碗筷需時。前菜（free）3款前菜，份量唔多，味道唔錯，可惜只可選一款添加。 石鍋什錦飯 $108牛肉、菇絲、蘿蔔絲、紅蘿蔔絲、芽菜、生菜絲及紫菜等排列整齊，仲有枝韓式辣醬供自行調味。石鍋熱辣辣，撈起醬汁香噴噴，鍋底有飯焦，食起來夠晒滋味。 純豆腐湯（小）套餐配純豆腐湯或牛骨蘿蔔湯，豆腐湯的豆腐非常嫩滑，湯底不會過辣，但享用時要小心，因為石鍋非常熱。 整體一個套餐都足夠2個唔大食既女仔分享，價錢夠晒經濟實惠。