Curry Boy

Open Now

Now Closed

完咗主日崇拜，會合老友一齊去食晏，誤打誤撞經過Curry Boy。好奇心驅使下，我倆勁有默契，決定試新嘢。餐廳面積細，但五臟俱全。外有雅座，頗帶歐陸Feel；店內則以開放式廚房設計，坐入去唔覺太迫澀。我哋點咗Menu上嘅兩款推介，包括黑啤牛肋肉以及黑毛豬肉餅加太陽蛋咖喱飯。上菜後，由於賣相都算幾有睇頭，致大家都急不及待，衝著為碟飯「打個卡」。至於味道，整體來說，唔錯！牛肋肉中規中矩，反而最令我倆驚喜嘅，係個黑毛豬肉餅…… 咬落口外脆內軟，鮮嫩多汁，不得不由衷讚嘆廚師嘅手藝。我相信呢度應該係最近先至開業。喺用餐期間，偶然發現牙簽筒、埋單皮套，甚至送俾食客去除口氣嘅薄荷糖皆印上食店嘅名字……由此可見餐廳老闆對運作要求一絲不苟，咁有心經營嘅食店，真係要多啲嚟捧場。