Attic Handmade Pasta (Closed)

Book左18:15， 18:30時服務員提醒我7:30交枱，心諗what?我朋友仲未到wor,佢解釋我book位時揀左7:30離座全單8折，咁我話如果我宜家唔要個8折係咪可以無限時，佢話之後會有7:30嘅客等等，話我揀嘅時候應該知…堅持要我7:30交枱，同佢negotiate左一陣都無用，咁我問俾多15min allowance得唔得，咁佢就話盡量安排。後來朋友到，佢話book位時本身唔係想揀7:30離座全單8折個option，但openrice唔知點解record左。宜家唔要呢個8折，經理先肯俾繼續坐。我坐到10點，個場都唔full。講番食物，叫左鴨醬手工意粉，洋蔥汁牛小排手工意粉，同埋食評勁多人讚嘅黑松露雞胸，其中一個cmmt話煮到魚肉咁冧，結果三樣都唔係好驚艷，唔係真係好好食。雞胸有少少鞋…牛小排得兩塊薄薄地…由其佢個前菜，西西里意大利雲吞，個皮好硬，好似未煮熟咁🌚🌚🌚然後個環境係玻璃窗，但對面就係打邊爐嗰間餐廳嘅一堆霓虹光管招牌，查到隻眼勁辛苦。本身睇menu樣樣都想食，覺得可以encore,食完覺得唔一定要試。