Video
Read full review
2024-01-09
1252 views
今日契媽生日去荃灣海港酒家慶祝一下，首先去揀隻長腳蟹，問阿叔有無細隻D(四斤左右），阿叔猛話無啦得返大既，目測約八斤，之後就拎隻較細既，約六斤半。叫佢唔好開蓋要原隻蒸（因為之前係其他酒家會開蓋偷晒蟹膏的經驗），阿叔就態度晦氣話唔開蓋蒸好有蟲無得投訴嫁喎，我地強調無問題，總之原隻蒸，阿叔再講話有蟲肚疴唔好投訴我喎！我食過咁多次阿拉斯加蟹唔會有蟲囉！之後點左蟶子炸米粉底，侍應話炸米粉底加80蚊，OK無問題！瑤柱扒豆苗，龍躉兩味，例牌燒鵝。食完蟹就上菜，第一味上蟶子，唔見左炸米底，侍應就話無炸米底，想我地接受，我地就話唔要了！明明問左仲話可以做到，加完錢又話無！收左碟野入廚房後侍應又出黎話整返個炸米底喎。咁頭先又話無！接住上豆苗，叫瑤柱扒豆苗得豆苗，連蒜蓉都無粒真係清炒，同侍應講D瑤柱去左邊？侍應仲要睇返張單睇下係咪有寫瑤柱。上兩樣都錯兩樣，不知所謂。立即叫埋單！等左勁耐都唔拎張單黎！叫佢地取消就話要經理取消，問經理去左邊，侍應話經理係廁所！真係第一次見明知有問題仲龜縮係廁所！最後要改單迫於無耐比同事叫出黎改單。超差體驗，經理都唔係做野，不知所謂！最後轉場去大排檔，人地招呼又好，上菜又快，瑤
之後點左蟶子炸米粉底，侍應話炸米粉底加80蚊，OK無問題！
瑤柱扒豆苗，龍躉兩味，例牌燒鵝。
食完蟹就上菜，第一味上蟶子，唔見左炸米底，侍應就話無炸米底，想我地接受，我地就話唔要了！明明問左仲話可以做到，加完錢又話無！收左碟野入廚房後侍應又出黎話整返個炸米底喎。咁頭先又話無！
接住上豆苗，叫瑤柱扒豆苗得豆苗，連蒜蓉都無粒真係清炒，同侍應講D瑤柱去左邊？侍應仲要睇返張單睇下係咪有寫瑤柱。
上兩樣都錯兩樣，不知所謂。立即叫埋單！等左勁耐都唔拎張單黎！叫佢地取消就話要經理取消，問經理去左邊，侍應話經理係廁所！
真係第一次見明知有問題仲龜縮係廁所！最後要改單迫於無耐比同事叫出黎改單。
超差體驗，經理都唔係做野，不知所謂！
最後轉場去大排檔，人地招呼又好，上菜又快，瑤柱扒豆苗仲勁多瑤柱。去食大排檔好過去荃灣海港酒家！
Post
