隠家拉麵工場 (Closed)

今天和男朋友到深水埗買旅行電話卡，順路就好想食番多年冇食嘅隱家。超級多年無食，今日一食，驚喜不斷。首先就係隱家在五月的時候，裝修重開，麵條長咗，份量仲可以免費加大。無左用紙落單，變成好似日本拉麵店咁，自助售票機，買完再去食！店員非常之有禮貌，很有耐心地教導我們使用自助售票機。仲可以同佢玩包剪揼，贏咗就有得免費揀紫菜/溫泉蛋/雪碧/半熟蛋，任擇其一。D麵線好彈牙，掛湯能力更高！湯底好香濃，我們叫左白伝和黑伝，都很惹味。半熟蛋超驚喜，之前食過其他拉麵店，蛋黃都是凍冰冰的，想不到隱家的半熟蛋黃是暖的！希望這樣高品質的店鋪可在香港繼續發光發熱！