Video
Read full review
2019-10-09
129 views
今日去左miss屋企學琴，樓下就已經係將軍澳中心，諗住還掂都係，就同miss食埋飯先返屋企啦,經過一間叫say cheese 既特色餐廳，門口已經聞到一陣陣香味，就決定係度食晚飯😋餐廳環境L型設計，幾有家的感覺，靜靜地可以慢慢食傾下計，老少咸宜。選擇算多，各式意粉小食以及意大利飯都有，望住d圖片都流曬口水喇！今次2個人就叫左個松露芝士薯條，spaghetti carbonara,咖哩吉列豬扒飯同埋一個baby pork ribs ,睇下有無驚喜先。仲有好多唔同口味既pasta!全部都想食😍不過至愛始終係carbonara.話咁快d野食就到唔洗等好耐，未送到已經聞到好香，意粉唔會太淋，完全符合正統意大利粉既要求，有嚼口！蛋黃芝士醬份量剛好唔會好溜，煙肉唔會太咸，最鐘意佢夠”杰”身，最怕d意粉煮到成碗湯麵咁。好味！like 跟住就到咖哩吉列豬扒飯，講下個咖哩汁先，係日式咖哩，香濃而不辣，重點係塊豬扒，皮脆肉嫩，咬落仲有汁流岀來唔會乾身，飯粒挻身，咖哩汁送飯一流！大大塊豬扒要炸到皮薄香脆肉嫩，真係超水準！到baby pork ribs 上場喇，奧妙之處係個sauce 甜中帶微酸，味道平衡，排
餐廳環境L型設計，幾有家的感覺，靜靜地可以慢慢食傾下計，老少咸宜。
選擇算多，各式意粉小食以及意大利飯都有，望住d圖片都流曬口水喇！
今次2個人就叫左個松露芝士薯條，spaghetti carbonara,咖哩吉列豬扒飯同埋一個baby pork ribs ,睇下有無驚喜先。
仲有好多唔同口味既pasta!全部都想食😍不過至愛始終係carbonara.
話咁快d野食就到唔洗等好耐，未送到已經聞到好香，意粉唔會太淋，完全符合正統意大利粉既要求，有嚼口！蛋黃芝士醬份量剛好唔會好溜，煙肉唔會太咸，最鐘意佢夠”杰”身，最怕d意粉煮到成碗湯麵咁。好味！like
跟住就到咖哩吉列豬扒飯，講下個咖哩汁先，係日式咖哩，香濃而不辣，重點係塊豬扒，皮脆肉嫩，咬落仲有汁流岀來唔會乾身，飯粒挻身，咖哩汁送飯一流！
大大塊豬扒要炸到皮薄香脆肉嫩，真係超水準！
到baby pork ribs 上場喇，奧妙之處係個sauce 甜中帶微酸，味道平衡，排骨一d都唔肥膩，醃到入曬味，口感軟而不爛，嫩度適中帶有嚼勁👍🏻
松露芝士炸薯條，個松露醬真係無得輸！香濃松露味又係停唔到口果隻，薯條本身應該無落鹽，不過鍾意重口味嘅你可以落餐枱上為客人凖備既海鹽，又或者加返$20可以升級雙重芝士口味🤤
跟餐仲有飲品送添，我就揀咗水果冰茶，好香水果味又唔會太甜，岩曬我平時少飲甜野，茶味都好岀，唔錯。
嫌唔夠飽仲有好多款甜品俾你揀，不過我地就飲飽食醉無叫到喇，下次有機會再嚟試下先！
Post
