BABA海南雞喇沙專門店

Open Now

Now Closed

無骨海南雞飯（$47）個雞唔錯，份量好多，睇相睇唔出係有兩層，一半係髀一半係胸，都係無骨，冇雪味、幾嫩滑又方便食。醬汁有兩款：一款係蔥油、另一款係辣辣地既汁，其實啲雞就咁食都有啲咸味，唔點汁都唔錯。個油飯值得一讚，乾身唔太油，仲帶一啲椰香，份量超大，男士一定夠飽。成個餐仲有碗例湯送，有啲紅蘿蔔同蘿白當食多啲菜，全部夾埋$47，就份量同味道黎講，價錢合理。其實成個飯都唔錯，唔算話超好食必食，不過見個店員又超有禮貌，我買嗰時又冇咩人幫襯，如果經過都可以支持下。