金順蘭州拉麵

Open Now

Now Closed

由細食到大既蘭州拉麵屯門出名多正既小店，而呢間蘭州拉麵可以話我由細食到大既！老闆娘好好人不在話下，仲會同街坊傾計、攞位等。入到去就已經入到食既氛圍啦！小店亦好乾淨，老闆娘一定會打理好衛生，令每位食客都食得舒服！當然啦，環境當然係其次，食物質素先係最重要嘛！平時食涼麵既，不過今次食左個羊肉拉麵！羊肉分量好足！而且亦好有羊味，不過係唔羶既！拉麵係老闆日日手打架！好彈牙，好滑！最正既，非個湯莫屬啦！佢既湯頭冇用味精去肴，但非常好味！清得黎又帶出一陣好濃既肉味，一啲油膩感都冇，冇食過真係領略唔到我講咩！總之就係好飲到飲晒全個湯啦，不過又唔會有罪惡感！好正呀！呢間鋪好多年架啦，經常坐無虛席！入開去屯門，一定要試！