泰廚房子 (德福廣場1期)

Open Now

Now Closed

今日約左男朋友收工後去德福買新手機，佢話好肚餓，咁唯有快d食完去買新機啦😂佢想食Thai野，咁近近地去左呢間泰廚房子。入到去好昏暗都頗有情調，安排坐張4人枱，好舒適。叫左個咖哩龍蝦2人餐，選配泰式串燒，黃咖喱炒波士頓龍蝦，海南雞，蒜蓉芥蘭，再+$38配細既冬蔭公湯，另加白飯兩碗。泰串燒係一串雞，2串牛。2個都好惹味，雞唔乾，牛夠juicy🤤黃咖喱炒波士頓龍蝦，有幾舊龍蝦太痴牙，應該過左火喉，食左幾舊就叫男友食晒佢，我就自己黃咖哩撈飯😂😂😂海南雞，呢個就真係唔錯，夠滑嫩，我一個ko晒😝😝無唸過咁好味蒜蓉炒芥蘭，個口感岩岩好，係我最鐘意既咬口冬蔭功湯，酸左少少咁啦，但都ok, 男朋友自己ko晒咁滯，我飲得少少🙄埋單$400鬆左右, 下次我想試埋佢條焗烏頭！