老荔冰室

Open Now

Now Closed

老荔冰室無論外型同店內環境一樣，大玩懷舊。店外晚上著晒霓虹燈及燈牌，店內則有卡座、模仿舊式戲院🎬的不日上映牌及超型logo，環境非常適合打卡。金沙朱古力流心西多士表面唧左好多朱古力醬，一切開真係流心，d醬溢出。外皮好脆，味道甜甜的幾好食😋。餐肉炒蛋熱香餅漢堡依個好特別，係漢堡但兩塊皮都係熱香餅。旁邊奉上糖漿，但配料係鹹香既午餐肉。鹹配料點上甜既汁食中和返兩種味道，好夾。沙嗲牛肉煎雙蛋麵沙嗲牛肉個汁較濃，質感冧身，配麵食好正，再煎埋雙蛋，個人鍾意拮爆蛋黃漏出蛋漿令個麵濕濕地更好食🤤。沙嗲汁星州炒米配豬扒及煎蛋🍳好邪惡👿，有無係茶餐廳食星州炒米係會配豬扒及煎蛋呀？我第一次食，成塊扒厚身同大塊到完全覆蓋碟炒米粉，本身炒米已有配料，仲要一啖米粉、一塊切好既軟屬豬扒；最誇張係星洲米係用沙嗲醬炒，味道更香濃。叉燒滑蛋飯個人認為依間既叉燒滑蛋飯係正過外面餐廳整既，叉燒細細塊但好軟身，而且蜜汁入味；配上炒滑蛋好好味😋。阿華田脆脆鹹檸可樂兩款特飲都好正，必試。前者香甜又有脆脆增加口感；後面酸酸的非常解渴。