Video
Read full review
2013-02-13
160 views
人哋話新年唔可以買書 (輸)，於是過年前去咗三聯書局睇書，買番本運程同旅遊書，嘻嘻。買完都差唔多八點，於是就行過隔離間南記食晚餐。平時收工都有機會經過，不過歸心似箭，所以都無入過去。玻璃門可以清楚望到入面情況，門口位置是收銀，對面有張檯原本係擺放平板電腦，不過早前被賊人偷去，到依家未裝番。長形嘅餐廳分開兩個用餐嘅位置，一邊係用青綠色櫈，而另一邊就用米色櫈。牆身有好多同綠色有關嘅信息，標榜 Health，Hope 同 Happiness，賣點同傳統南記不同。細看餐牌，套餐有三款， $45 (1 配料)，$50 (2 配料)，同埋 $55 (3 配料)，有三種湯底可以選擇 (蕃茄濃湯，清湯時菜，原味小窩)，而粉麵就更可以揀米粉，米線，日本烏冬，通粉或者粗麵，配料就有二十款，如果要加料，每一款加 $5。套餐係有免費飲品 (即磨咖啡或豆漿)，或者加錢叫其他飲品。單係睇個餐牌都要啲時間，左揀右揀之下，最後都係叫番我最愛嘅豬腩肉小窩米線，原味小窩，配腩肉，蘿蔔和春卷。平時食開豬腩肉小窩米線加豆漿係三十幾元，依家即係三十幾元加兩個配料，應該係四十幾元，仲有十元就係咪呢度嘅環境同服務費。呢度係由服務員
玻璃門可以清楚望到入面情況，門口位置是收銀，對面有張檯原本係擺放平板電腦，不過早前被賊人偷去，到依家未裝番。
長形嘅餐廳分開兩個用餐嘅位置，一邊係用青綠色櫈，而另一邊就用米色櫈。牆身有好多同綠色有關嘅信息，標榜 Health，Hope 同 Happiness，賣點同傳統南記不同。
細看餐牌，套餐有三款， $45 (1 配料)，$50 (2 配料)，同埋 $55 (3 配料)，有三種湯底可以選擇 (蕃茄濃湯，清湯時菜，原味小窩)，而粉麵就更可以揀米粉，米線，日本烏冬，通粉或者粗麵，配料就有二十款，如果要加料，每一款加 $5。套餐係有免費飲品 (即磨咖啡或豆漿)，或者加錢叫其他飲品。
單係睇個餐牌都要啲時間，左揀右揀之下，最後都係叫番我最愛嘅豬腩肉小窩米線，原味小窩，配腩肉，蘿蔔和春卷。平時食開豬腩肉小窩米線加豆漿係三十幾元，依家即係三十幾元加兩個配料，應該係四十幾元，仲有十元就係咪呢度嘅環境同服務費。呢度係由服務員招呼，同舊式南記自助形式不同，座位寬敞，而且眼前更有自家製辣椒油，自家製辣椒醬，芹菜/芫茜/蔥花任你添。檯面更有虎尾蘭 (Snake Plant) 幫走有害氣體，包你食得健康。
轉眼間職員就奉上我叫嘅套餐，青綠色嘅托盤份外搶眼，小窩米線份量和平時食開嘅差唔多，我叫咗少辣，不過都幾辣，辣過平時。
豬腩肉又長又大塊，肉紋細緻，食落都好腍，維持一向嘅水準。
蘿蔔尚算清甜，食落無渣，只是不太入味。
今次終於試咗春卷，原來就係魚卷，入口都幾彈牙，不過就唔覺好好食。
小窩米線本身係有腐竹嘅，所以唔駛再係配料揀，腐竹很嫩滑，係我嘅至愛。
而酸菜就甜甜酸酸，維持平時嘅口味，不過佢俾咗個菜頭我，而芽菜都幾爽口。
不過呢度嘅米線就比平時食開嘅腍身，無咁好食，一向都覺得煮米線嘅技巧要好好，煮得過了時間，就會變腍。
我叫嘅熱豆漿本身係無糖，餐廳提供 '凍飲糖漿' 給客人，不過我沒有落糖，將 '凍飲糖漿'加入熱豆漿，感覺有點怪。
總括而言，新派南記增加了蔬果嘅選擇，多了 一份 'Health' 嘅感覺。 Post
