Video
Read full review
2021-11-07
351 views
咁啱上網見到有8折嘅餐飲券，仲要星期日都用得，仲要用支付寶俾錢慳多$50。成日想試佢個火山排骨，睇過旅遊節響啲夜市介紹過一啲都無火而且唔係火紅色嘅火山，純粹係個型態似，一上枱就聞到魚露味，餐廳提供膠手套方便食，上面啲肉係無乜味道，醮醮汁即刻有驚喜，青檸嘅酸、魚露嘅鹹、帶點辣，非常醒胃又醒神，肉都好淋，一試無妨。油酥餅熱辣辣，蒜蓉包好脆，不過蒜蓉味唔夠重。以上兩樣配唔辣嘅馬沙文咖哩都唔錯，老爸唔食得辣就至啱，豬肋骨骨肉好易分離，好易食，味道唔會好鹹，不過咖哩味唔夠香。泰式蟹肉奄列，唔係幾食到蟹肉味道，大概係蛋味將佢蓋過吧，醮辣椒醬味道剛好。和牛炒飯偏鹹，和牛又係鹹，而且有幾舊得3～5成熟左右好生，比較失望。
成日想試佢個火山排骨，睇過旅遊節響啲夜市介紹過
一啲都無火而且唔係火紅色嘅火山，純粹係個型態似，一上枱就聞到魚露味，餐廳提供膠手套方便食，上面啲肉係無乜味道，醮醮汁即刻有驚喜，青檸嘅酸、魚露嘅鹹、帶點辣，非常醒胃又醒神，肉都好淋，一試無妨。
油酥餅熱辣辣，蒜蓉包好脆，不過蒜蓉味唔夠重。
以上兩樣配唔辣嘅馬沙文咖哩都唔錯，老爸唔食得辣就至啱，豬肋骨骨肉好易分離，好易食，味道唔會好鹹，不過咖哩味唔夠香。
泰式蟹肉奄列，唔係幾食到蟹肉味道，大概係蛋味將佢蓋過吧，醮辣椒醬味道剛好。
和牛炒飯偏鹹，和牛又係鹹，而且有幾舊得3～5成熟左右好生，比較失望。
Post
