GUM "JENG!" X 御前上茶 (Closed)

抹茶菠蘿油連玄米茶（$46）咦原來司令咁岩係開賣第一日食到佢既抹茶菠蘿油😂，不過夜晚食等左十五分鐘左右就有得食。同埋外賣抵啲啊！司令係堂食既，套餐跟一杯茶，可揀玄米茶、抹茶、黑豆茶等等。話說唔知點解係外面等既時候見到佢貼住菠蘿油售罄，但入到去又有得食喎🤔。其實抹茶菠蘿油，真係顛覆左司令對菠蘿包既印象，加上眾多既廣告推薦，令司令抱有好大既幻想。一上到枱，冇錯係好靚喎，但打開，已經有少少失望，塊抹茶牛油其實得你見到咁多，一隻半手指既闊度，唔緊要當食少啲脂肪啦😅。點知個包咬落唔鬆軟，似饅頭多啲，甜度又唔夠，抹茶味又唔夠，塊牛油亦都冇牛油應該有既質感。牛油個種咬落去充滿罪惡感既感覺冇左，真係離一個成功既菠蘿油仲有一段距離。