掌門重慶麻辣火鍋 (Closed)

鴛鴦鍋（$168）平時食麻辣鍋基本上都係紅通通🌶，加上大量牛油，怕肥既朋友仔可能望到都怕怕😂！佐敦哩間既麻辣鍋就大攪創新，個鍋底居然係綠色既，食落唔會超多牛油，反而清清地好特別，但都做到辣度十足，而且幾香口，怕油膩既朋友仔可以試下喎。中間唔辣既湯底比較多選擇，港式啲揀左個沙嗲湯😂，不過略嫌中間個湯真係好細，如果多朋友仔唔食辣既話就食得麻煩啲😂。-配料方面有麻辣火鍋常見既內臟，亦都加入左好多港式元素，款式選擇多，但份量偏細份🧐，大食既真係要叫多碟先夠喉啊！手切肥牛($158)係必點啦，打邊爐點可以冇牛呢？鮮雞腸（$58）好少地方有得食，司令覺得比鵝腸好食，夠肥嘛🤟🏻。萵筍（$38）係近期打邊爐必食，特別係食麻辣火鍋，煮完仲好食過蘿蔔，正啊🤤。