凱施餅店 (Closed)

前幾日有次入凱施餅店睇下買咩麵包食，見到有呢袋綠茶紅豆包，賣相幾靚，綠茶顏色再溝埋方包本身既顏色，加埋就好似大理石既紋理咁。。。哈哈～＄１２有八塊，價錢又唔貴所以都買袋試下～仲專登揀袋望落去有多d紅豆架添！當日早食晚飯，到夜晚９點幾１０點就肚餓要拎出黎食了。。打開包裝都聞到幾香～拎上手質感幾軟熟咁，每塊包厚度適中，又唔會好大塊，岩晒我呢d宵夜時間食～食落口既口感果然唔錯，幾鬆軟，亦都唔會乾～味道黎講，綠茶同紅豆從來都係最佳拍檔～呢隻麵包亦都唔例外～佢既綠茶味幾香濃，再加埋夠林身又香甜既紅豆，出黎既效果都幾好味。總結：不論味道，口感同埋價錢都好滿意，值得再買黎食。