超羣麵包西餅 (香林大廈)

Open Now

Now Closed

是晚路過中環，咁岩諗起TVB節目提過超群有綠茶紅豆雞蛋仔，即管行去睇下呢間超群有冇先。去到剛剛買到今晚既最後一底雞蛋仔，真係好彩同總算無白行一趟。接過熱辣辣既雞蛋仔，顏色睇落都幾青綠，面層都明顯見到一粒粒既紅豆，可見紅豆既份量都幾足，趁熱立即將一粒放入口先！先係食到幾濃既綠茶味，比我想像中既味道仲要濃，但濃得嚟係好食既。繼而食到粒粒香甜軟淋既紅豆，味道似乎係罐裝既紅豆，大粒得嚟又偏淋。整體上綠茶加紅豆既味道夾得好好，而雞蛋仔又做到外脆內軟，只係外圍有幾粒雞蛋仔可能落得唔夠蛋漿，所以只係得個殼。呢份雞蛋仔$18.5，以小食嚟講好似貴咗少少，但總括嚟講都算食得過。可惜店外海報講只係賣到4月10日，睇下有冇機會再嚟食多底先。