聖安娜餅屋 (港鐵大圍站)

Open Now

Now Closed

聖安娜 宇治東茶園 抹茶果凍芒果卷 $49 平時番工都行開會經過呢間餅店，買親都係麵包做早餐。不過，行過見到門口放左各式各樣生日蛋糕又真係好吸引，有某懶洋洋的熊仔卡通人物，有好多生果做裝飾嘅，又有好多細細件靚到好似家居擺設的小蛋糕或批。不過，都唔係生日又唔會無喇喇買。但今次聖安娜出左呢個宇治東茶園之抹茶果凍芒果卷，抹布控的我諗都唔諗就買左黎做早餐，雖然佢係抹茶卷，但因為中間放左果凍同埋芒果，令單調設計的蛋糕卷加添左特色，而且顏色都唔係誇張的，所以保留住傳統日式和風的感覺。 蛋糕容易切開一片片，但唔會爛，有少少濕度，食落口有濃厚抹茶香，加上蛋糕的忌廉，非常香滑。食到中間的果凍，有清淡少少抹茶味，好彈牙，令一件平凡的蛋卷增加左口感。而芒果亦好香甜，視覺同味覺十足。最後，不得不提就是日式甜品的紅豆蓉，份量適中，又夠甜，係呢款蛋卷的精粹所在。