Video
Read full review
2023-03-13
348 views
個日喺月街食完秘魯菜之後，就覺得有少少口渴，所以想買杯嘢飲，Chullschick嘅對面就有一間非常之出名嘅本地抹茶品牌Matchali，主打新鮮健康自家製抹茶，所以就諗住試一試。男朋友叫左杯柚子檸檬抹茶梳打，自己就叫左杯紅莓芒果蝶豆花抹茶拿鐵。睇相就明顯覺得紅莓芒果蝶豆花係靚啲嘅，因為色彩繽紛啲，不過兩杯自己就推薦柚子檸檬多啲😅皆因我飲完一啖，就默默地將自己杯碟豆花同男朋友杯柚子梳打交換左🙃🙃🙃1. 紅莓芒果蝶豆花抹茶拿鐵 $60其實所有「蝶豆花」既飲品都預咗佢既味唔會好明顯，通常都係想睇吓佢落咗落唔同飲品之後個顏色（好似會好夢幻咁🤣），佢就唔係一個問題嚟嘅，而係紅莓醬同個芒果醬好搶，令到杯嘢飲過酸又過甜，唔係好飲到佢個綠茶底🥲。加上佢一杯加咗好多冰，飲到後期好似係俾人溝稀咗嘅紅莓芒果汁咁。但係上網睇留言佢個士多啤梨抹茶拿鐵又好似冇果味太搶呢個問題，啲人仲話幾好飲) 咁可能係太熱愛芒果嘅自己真係做錯咗決定🥲🥲🥲🥲👩🏻💻4/102. 柚子檸檬抹茶梳打$55相比之下，男朋友order 嘅柚子檸檬抹茶梳打就出色好多，可能抹茶都係適合一啲比較清新同唔太濃味嘅食材配搭。而柚子同抹茶確實係一個
男朋友叫左杯柚子檸檬抹茶梳打，自己就叫左杯紅莓芒果蝶豆花抹茶拿鐵。睇相就明顯覺得紅莓芒果蝶豆花係靚啲嘅，因為色彩繽紛啲，不過兩杯自己就推薦柚子檸檬多啲😅皆因我飲完一啖，就默默地將自己杯碟豆花同男朋友杯柚子梳打交換左🙃🙃🙃
1. 紅莓芒果蝶豆花抹茶拿鐵 $60
其實所有「蝶豆花」既飲品都預咗佢既味唔會好明顯，通常都係想睇吓佢落咗落唔同飲品之後個顏色（好似會好夢幻咁🤣），佢就唔係一個問題嚟嘅，而係紅莓醬同個芒果醬好搶，令到杯嘢飲過酸又過甜，唔係好飲到佢個綠茶底🥲。加上佢一杯加咗好多冰，飲到後期好似係俾人溝稀咗嘅紅莓芒果汁咁。但係上網睇留言佢個士多啤梨抹茶拿鐵又好似冇果味太搶呢個問題，啲人仲話幾好飲) 咁可能係太熱愛芒果嘅自己真係做錯咗決定🥲🥲🥲🥲
👩🏻💻4/10
2. 柚子檸檬抹茶梳打$55
相比之下，男朋友order 嘅柚子檸檬抹茶梳打就出色好多，可能抹茶都係適合一啲比較清新同唔太濃味嘅食材配搭。而柚子同抹茶確實係一個比較廣為人接受嘅Combo黎既。柚子既甜，檸檬既酸，抹茶既甘，加上梳打既口感，層次豐富又唔會喧賓奪主。所以自己會比中上嘅分數佢～
👩🏻💻6.5/10
會吸收是次教訓🥲去抹茶專門店，都係叫返最原始最純嘅抹茶產品比較試到佢嘅真功夫，同埋下次都係叫返熱飲（太多冰真係幾影響個體驗😅😅）
Post