美心西餅 (Closed)

美心又出左新款條裝蛋糕,一共三款,分別係綠荼夾楊莓果醬天使蛋糕、朱古力夾楊莓果醬天使蛋糕、原味夾楊莓果醬天使蛋糕,雪儀今次試左前兩款,因為見最後一款無乜特別,所以唔試!兩款蛋糕唔多,都係三層蛋糕卷住兩絛天使蛋糕,天使蛋糕中係有楊莓果醬既,驚喜既係原來兩條天使蛋糕之間有層拿破崙酥皮,呢個係我之前無留意既,食落至知,所以咪會驚喜囉!兩款分別在於外圍蛋糕一個係綠茶味,一個係朱古力味,同埋甘面蛋糕碎都係跟番蛋糕隻味。兩款都各有各好食,蛋糕軟熟,綠茶蛋糕比朱古力味好,較清淡而少甜;但係我唔係咁鍾意綠荼夾楊莓果醬天使蛋糕面頭既合桃,因為太多喇!反而朱古力味個隻係一片片好靚既黑白朱古力就岩我心水,不過我知呢d係見介見智既!不過,有一樣野我唔係太喜歡,識我既朋友都可能估到,就係cream 喇!由於外圍蛋糕有三層,三層之間都係cream,所以我覺得幾多下。整體而言,唔錯!註:因為有東方日報coupons,所以只需$32就買到一條喇!