Video
Read full review
2021-02-05
366 views
銅鑼灣 𝐙𝐞𝐧𝐠 位於V Point 30樓 坐擁270度維港景色，設有室內室外座位，特別鍾意室外嘅梳化位置，望住特大海景，加上柔和陽光，真係幾chill。冬天嚟到，旁邊仲會有一個個暖爐，相當貼心。𝐙𝐞𝐧𝐠最近推岀左「茶式假期」下午茶，以茶作靈感，製作岀多款口味獨特既鹹甜點。🍴$498 for 2 Selection of sparkling wine, coffee or Tea+ $68 upgrade to a glass of Perrier-Jouët Grand Brut N.V. Champagne ♠️ 𝐒𝐚𝐯𝐨𝐮𝐫𝐲 ♠️🌛龍井煙燻流心蛋伴新鮮黑松露及炸乾瑤柱🌛茉莉茶漬凍蝦伴青瓜乳酪🌛波士頓龍蝦檸檬茶凍撻🌛煙挪威三文魚伴牛油果醬沙沙多士🌛24個月巴馬火腿捲哈密瓜齋睇個名就覺得相當特別！鹹點用上茉莉茶、檸檬茶、龍井茶三款茶。當中波士頓龍蝦檸檬茶凍撻最為耳目一新，一入口就係完完全全檸檬茶嘅味道。當鮮甜彈牙既龍蝦遇上檸檬茶啫喱，酸酸甜甜幾開胃，無想像中咁奇怪。茉莉茶漬凍蝦既蝦肉同樣彈牙，食落有淡淡既茶香，幾清新。不過呢兩款可能因為用上檸檬茶同茉莉茶既關係，食落比較甜，味道亦相對
𝐙𝐞𝐧𝐠最近推岀左「茶式假期」下午茶，以茶作靈感，製作岀多款口味獨特既鹹甜點。
🍴$498 for 2
Selection of sparkling wine, coffee or Tea
+ $68 upgrade to a glass of Perrier-Jouët Grand Brut N.V. Champagne
♠️ 𝐒𝐚𝐯𝐨𝐮𝐫𝐲 ♠️
🌛龍井煙燻流心蛋伴新鮮黑松露及炸乾瑤柱
🌛茉莉茶漬凍蝦伴青瓜乳酪
🌛波士頓龍蝦檸檬茶凍撻
🌛煙挪威三文魚伴牛油果醬沙沙多士
🌛24個月巴馬火腿捲哈密瓜
齋睇個名就覺得相當特別！鹹點用上茉莉茶、檸檬茶、龍井茶三款茶。
當中波士頓龍蝦檸檬茶凍撻最為耳目一新，一入口就係完完全全檸檬茶嘅味道。當鮮甜彈牙既龍蝦遇上檸檬茶啫喱，酸酸甜甜幾開胃，無想像中咁奇怪。
茉莉茶漬凍蝦既蝦肉同樣彈牙，食落有淡淡既茶香，幾清新。不過呢兩款可能因為用上檸檬茶同茉莉茶既關係，食落比較甜，味道亦相對特別，有小小衝擊味蕾。
龍井煙燻流心蛋流心程度啱啱好，味道同鐵蛋有幾份相似，雖然面頭舖有新鮮黑松露及炸乾瑤柱，但作用就唔太大。
另外，多士相當香脆，巴馬火腿帶鹹香，分別配上煙三文魚伴牛油果醬同哈密瓜，都好難會唔好食。
♠️ 𝐒𝐰𝐞𝐞𝐭 ♠️
🌜傳統英式鬆餅配士多啤梨果醬及牛油忌廉
🌜伯爵茶法式燉蛋慕絲蛋糕
🌜日式烘焙茶芝士蛋糕
🌜綠茶忌廉泡芙
🌜沖繩黑糖珍珠奶茶奶凍
甜點同樣用上多款唔同既茶。焙茶芝士蛋糕茶味比想像中突岀，質地軟滑，略嫌有小小「漿」。
沖繩黑糖珍珠奶茶奶凍既奶凍幾岀色，軟滑得黎帶茶香。不過珍珠就偏硬，唔太彈牙。黑糖醬加得有啲多，略嫌蓋過奶凍既茶香。
伯爵茶法式燉蛋慕絲蛋糕，入口有濃郁既伯爵茶同朱古力味，食落幾creamy，甜度較高。
綠茶忌廉泡芙就相對失色，茶味偏淡，外皮較軟腍。
Scone濕潤，但質地偏實。士多啤梨果醬就挽回左唔少分數，士多啤梨味突出之餘，味道一啲都唔人工，酸酸甜甜，配scone就岩岩好。
整體嚟講，下午茶味道中規中矩，環境真心無得輸！可以望住大大個維港食afternoon tea，嘆返幾粒鐘，呢個價錢可以接受！
Post
