Video
Read full review
2021-04-24
3445 views
餐廳：Zeng (銅鑼灣)地址：銅鑼灣登龍街18號V Point 30樓出完5年大學生涯最長嘅一個實習，考完晒試，連見工面試都搞掂埋✅，終於可以去食餐好嘅享受吓🥰嚟到銅鑼灣V Point 30樓嘅Zeng嘆咗個超豐富午餐，叫咗個Zeng’s signature seafood collections(promotional price $528)再加多咗$158要埋個Free flow oysters🦪，配埋落地大玻璃望住維港美景🏙，係咪聽見都好想食埋一份呢🤪呢個collections分別有：✝️Acipenser Baerii Cavier (10g)西伯利亞鱘魚子醬被稱為「黑色黃金」嘅西方三大珍味之一，營養價值豐富。入口質地細膩，用口壓爆一粒粒飽滿嘅魚子，極鮮美嘅汁液喺逐一爆開，隱約帶住新鮮嘅鹽味同海水味🌊，回味甘甜，配埋乾蔥、蛋白、蛋黃、餅乾一齊食，簡直絕配🤤，餐廳用冰盛載魚子醬保持新鮮，亦用咗非金屬嘅匙羹去減少魚子醬氧化嘅機會，非常體貼👍✝️Assorted Seafood Platter 呢個海鮮拼盤有用咗三文魚子同柚子醋調味嘅新鮮生蠔四隻🦪、醃製過而且剝咗殼嘅熟蝦四隻🦐、非常腍
地址：銅鑼灣登龍街18號V Point 30樓
出完5年大學生涯最長嘅一個實習，考完晒試，連見工面試都搞掂埋✅，終於可以去食餐好嘅享受吓🥰
嚟到銅鑼灣V Point 30樓嘅Zeng嘆咗個超豐富午餐，叫咗個Zeng’s signature seafood collections(promotional price $528)再加多咗$158要埋個Free flow oysters🦪，配埋落地大玻璃望住維港美景🏙，係咪聽見都好想食埋一份呢🤪
呢個collections分別有：
✝️Acipenser Baerii Cavier (10g)西伯利亞鱘魚子醬被稱為「黑色黃金」嘅西方三大珍味之一，營養價值豐富。入口質地細膩，用口壓爆一粒粒飽滿嘅魚子，極鮮美嘅汁液喺逐一爆開，隱約帶住新鮮嘅鹽味同海水味🌊，回味甘甜，配埋乾蔥、蛋白、蛋黃、餅乾一齊食，簡直絕配🤤，餐廳用冰盛載魚子醬保持新鮮，亦用咗非金屬嘅匙羹去減少魚子醬氧化嘅機會，非常體貼👍
✝️Assorted Seafood Platter
呢個海鮮拼盤有用咗三文魚子同柚子醋調味嘅新鮮生蠔四隻🦪、醃製過而且剝咗殼嘅熟蝦四隻🦐、非常腍而且清甜嘅清酒鮑魚兩隻，同埋用wasabi醃醃過嘅新鮮海螺肉🐚。食過咁多自助餐/海鮮餐，真係從來未食過咁新鮮嘅海鮮👏
✝️Cold Served Lobster Salad, Yuzu Dressing
半隻爽口飽滿嘅波士頓龍蝦🦞，配埋牛油果切片🥑同埋柚子汁沙律🥗，簡單而美味，所用嘅碟仲好精美🤩
✝️Mentaiko Spaghetti Carbonara
將明太子醬同自家醬汁撈埋去整呢個卡邦尼意粉🍝，醬汁濃郁不過一啲都唔膩，微辣一粒粒嘅明太子豐富咗成個意粉嘅口感，唔錯唔錯🤟
✝️Roasted Free-range Spring Chicken with Herbed Potato Wedges (三選一其中一款)
走地黃春雞肉質嫩滑🐓，油脂豐富，主要原因喺因為佢地喺草地上放養，有足夠嘅活動量令肉質更嫩更多汁💦，餐廳就用咗兩邊嘅雞髀位，啖啖肉，不過雞皮都唔少，個人覺得原味食已經好足夠，加咗醬汁令雞肉鹹咗少少🤏
✝️Sliced Australian M5 Wagyu Sirloin Steak (+$58) (三選一其中一款)
西冷比肉眼稍微瘦啲，用上澳洲M5和牛，脂肪比例唔多，濃郁嘅牛肉香同嫩滑嘅肉質，令唔少人都鍾意佢🐂，餐廳同樣加咗啲自家製醬汁，酸酸甜甜，令味道更為豐富同清新，切咗片食起上嚟更方便😛
✝️Japanese Cheese Cake & Crème Brûlée (二選一)
一餐嘅總結又點少得甜品？分別叫咗個芝士蛋糕🍰同焦糖燉蛋，
特別鍾意後者嘅焦糖面整得好perfect😱，而且蛋香超濃同滑，值得一試❗️
✝️Free Flow Oysters
餐廳是日嘅生蠔喺嚟自歐洲愛爾蘭🇮🇪，蠔肉微微鼓脹，色澤飽和，鮮香感十足，微微嘅海水味加咗檸檬汁就更清新🍋，非常易入口，一口氣就食咗成打😂
食飽飽飲杯啡☕️，再行出去露天茶座飽覽吓香港維港嘅美景🇭🇰，唔知呢個美麗嘅城市仲可以望到幾多次呢？珍惜珍惜🙏
Post
