R66 旋轉餐廳 (Closed)

去呢度食自助餐真係無得彈。無得彈唔係佢O既食物，而係佢O既「美景」。完全係全個維港景色盡收眼底，仲要三百六十度轉O添，死未﹖不過，呢度D食物就麻麻地，有水準，但唔特出。值得一讚O既係佢O地O既燒味做得唔錯，尤其係叉燒。話說果日去到，聽到隔離檯有一位小朋友去到只係食兩樣野—就係叉燒同炒飯，只少食O左六碟，當然個碟唔大。另外，我比較鍾意佢O既甜品，除O左普通蛋糕外，更有中式甜點，例如芝麻糕、沙翁等，好味，但稍甜。不過蛋糕底就唔夠軟……價錢方面$288加一/一位，值唔值就見仁見智，但係個景就真係好正。