Video
Read full review
2022-10-08
75 views
霸王川莊尖沙咀分店坐落於iSquare 25樓, 餐廳位置剛好就對正維港嘅夜景, 加上餐廳坐位開揚, 配合精心佈置嘅燈光, 感覺既高雅又舒適。 八寶茶入坐後店員就會提供餐前飲用嘅八寶茶, 材料包括: 菊花、紅棗、枸杞、玄米、桂圓、玄米同埋冰糖等等。味道清香, 而且消滯解膩。 霸王小籠包小籠包皮薄多汁, 湯汁味道香濃熱辣辣, 配埋薑絲同鎮江醋食是基本吧。 成都水煮桂花魚水煮魚可以有辣度選擇, 店員會係落單嘅時候細心詢問。辣度由1-5, 今次同朋友淺嚐二級小辣。桂花魚處理得好細心，完全冇骨可以啖啖肉食得好滋味。魚嘅肉質滑得嚟新鮮彈牙，而且辣度適中。牛肚同蒿菜都好入味，麻香多於辣而又不失川菜風味。 孜然蒙古羊架羊架多汁肉質鮮嫩，外層焦脆內裡軟淋淋，而且唔會有好大陣羶味，不過都比想像中辣。烤北京片皮鴨必食嘅招牌菜之一！師傅好細心咁分咗鴨肉片同埋淨烤鴨皮，兩款夾埋一齊再用餅皮包住京蔥同埋青瓜片，啖啖都有住鴨油香味，而且感覺一啲都唔膩。烤鴨皮嘅焦脆口感令口感層次提升。拔絲香蕉甜品嚟講一定係首選呢款，賣相已經好吸引，外形好似一個吹緊嘅龍捲風。拔絲做出嚟嘅龍捲風係可以食得架！
霸王川莊尖沙咀分店坐落於iSquare 25樓, 餐廳位置剛好就對正維港嘅夜景, 加上餐廳坐位開揚, 配合精心佈置嘅燈光, 感覺既高雅又舒適。
八寶茶
入坐後店員就會提供餐前飲用嘅八寶茶, 材料包括: 菊花、紅棗、枸杞、玄米、桂圓、玄米同埋冰糖等等。味道清香, 而且消滯解膩。
霸王小籠包
小籠包皮薄多汁, 湯汁味道香濃熱辣辣, 配埋薑絲同鎮江醋食是基本吧。
成都水煮桂花魚
水煮魚可以有辣度選擇, 店員會係落單嘅時候細心詢問。辣度由1-5, 今次同朋友淺嚐二級小辣。桂花魚處理得好細心，完全冇骨可以啖啖肉食得好滋味。魚嘅肉質滑得嚟新鮮彈牙，而且辣度適中。牛肚同蒿菜都好入味，麻香多於辣而又不失川菜風味。
孜然蒙古羊架
羊架多汁肉質鮮嫩，外層焦脆內裡軟淋淋，而且唔會有好大陣羶味，不過都比想像中辣。
烤北京片皮鴨
必食嘅招牌菜之一！師傅好細心咁分咗鴨肉片同埋淨烤鴨皮，兩款夾埋一齊再用餅皮包住京蔥同埋青瓜片，啖啖都有住鴨油香味，而且感覺一啲都唔膩。烤鴨皮嘅焦脆口感令口感層次提升。
拔絲香蕉
甜品嚟講一定係首選呢款，賣相已經好吸引，外形好似一個吹緊嘅龍捲風。拔絲做出嚟嘅龍捲風係可以食得架！
Post
