Video
Read full review
2023-01-24
49 views
口痕想食泰國菜🇹🇭，就諗Nara Thai啦~ 寫食評前我地都食過兩次，印象非常之好😋，於是趁今次依個機會去寫佢啦📝！我地去咗位於海港城嘅分店，呢度充滿泰國風情嘅裝修風格，再配合埋落地玻璃窗，飽覽維港海景真係好吸引呀🤩~ -泰式生蝦🦐 - HKD 138講起泰國菜緊係唔少得生蝦刺身🦐啦~ 首先我地就先叫咗泰式生蝦啦，賣相精美🤤，有十隻嘅生蝦加上辣椒🌶️、蒜片🧄及苦瓜相當誘，食落口覺得蝦肉幾新鮮，肉質彈牙有口感‼️而配汁係酸辣汁，幾開胃，好適合作為前菜享用，但汁味偏辣，如果唔食得辣嘅朋友要注意下點汁嘅份量呀😉，太辣的話配菜苦瓜就正好可以解辣，依點Nara就貼心啦~ 抵讚! 👍🏻-菠蘿肉鬆海鮮炒飯🥘 - HKD 128之後上嘅菜就係菠蘿肉鬆海鮮炒飯啦🥘 ，同生蝦一樣，菠蘿肉鬆海鮮炒飯都算係最為香港人熟識嘅泰國菜式之一，但要炒得好食都好考師傅嘅功力，上菜時見到擺盤好靚，將原隻菠蘿切半挖空再裝炒飯😍。另外仲有炸蝦、肉鬆、腰果、提子乾及菠蘿肉等做配菜，食落口飯乾身，粒粒分明唔粘口，加埋腰果等配菜一齊食，口感豐富之餘又可以減少炒飯嘅油膩感，蝦炸得好脆口，食落口啖啖肉，以價錢及味道嚟講依個炒飯都相當出色
-
泰式生蝦🦐 - HKD 138
講起泰國菜緊係唔少得生蝦刺身🦐啦~ 首先我地就先叫咗泰式生蝦啦，賣相精美🤤，有十隻嘅生蝦加上辣椒🌶️、蒜片🧄及苦瓜相當誘，食落口覺得蝦肉幾新鮮，肉質彈牙有口感‼️而配汁係酸辣汁，幾開胃，好適合作為前菜享用，但汁味偏辣，如果唔食得辣嘅朋友要注意下點汁嘅份量呀😉，太辣的話配菜苦瓜就正好可以解辣，依點Nara就貼心啦~ 抵讚! 👍🏻
泰式生蝦
$138
5 views
0 likes
0 comments
-
菠蘿肉鬆海鮮炒飯🥘 - HKD 128
之後上嘅菜就係菠蘿肉鬆海鮮炒飯啦🥘 ，同生蝦一樣，菠蘿肉鬆海鮮炒飯都算係最為香港人熟識嘅泰國菜式之一，但要炒得好食都好考師傅嘅功力，上菜時見到擺盤好靚，將原隻菠蘿切半挖空再裝炒飯😍。另外仲有炸蝦、肉鬆、腰果、提子乾及菠蘿肉等做配菜，食落口飯乾身，粒粒分明唔粘口，加埋腰果等配菜一齊食，口感豐富之餘又可以減少炒飯嘅油膩感，蝦炸得好脆口，食落口啖啖肉，以價錢及味道嚟講依個炒飯都相當出色㗎啦！😙
菠蘿肉鬆海鮮炒飯
$128
2 views
0 likes
0 comments
-
黃薑雞肉沙嗲🍢 - HKD 88
我地第三樣叫嘅就係黃薑雞肉沙嗲🍢 ～ 一共有六串，雞肉都幾大舊，份量及賣相都相當有誠意，除左沙嗲醬汁外仲配多左個清甜嘅醬汁🥣，雞肉食落口幾嫩滑唔乾身。雖然幾香但味道就比較淡口🤨，沙嗲汁幾有水準，甜甜地之餘又有少少辣，裡面有花生粒令醬汁更香口😋，由於雞肉味道比較淡，所以食起上嚟雞肉味會被香口嘅沙嗲醬蓋過，而另一個汁酸酸甜甜無沙嗲醬咁濃味，食落口都算開胃～
黃薑雞肉沙嗲
$88
8 views
0 likes
0 comments
-
青芒扎肉沙律🥗 - HKD 98
因為想有少少蔬果食下，所以我地最後就叫咗青芒扎肉沙律🥗 啦～ 一如既往地擺盤賣相都係十分精緻，將扎肉切粒再整齊放係青芒絲🥭上面，再配上酸酸甜甜嘅汁撈埋一齊，好新鮮呀！但食落口覺得青芒絲太硬😖，而且汁太少導致十分難拌勻食物，最後就好似淨係食緊青芒絲咁。不過炒嘅扎肉粒幾香口，算係依道菜嘅少少亮點。
青芒扎肉沙律
$98
3 views
0 likes
0 comments
-
蝦片🦐 - HKD 15
最後想介紹一下嘅係Nara會係客人一坐低嘅時候先上一兜蝦片啦，蝦片又大又多，食落去都幾脆口，重點係油膩感不太重之餘都幾有蝦味🦐，係幾出色嘅一道前菜，不過食得多嘅時候會幾口渴，所以大家食完記得飲多少少水啦💧~
蝦片
$15
2 views
0 likes
0 comments
-
整體嚟講今餐都幾滿意，菜式選擇都幾多，而且餐廳面積大，座位及空間相當寬敞，作為客人都覺得坐得幾舒服，而服務員對答都好有禮貌💯，如果口痕想食下泰國菜嘅話都推薦大家嚟試下架~
Post
