Video
Read full review
2023-11-14
650 views
位於銅鑼灣新開嘅「棽粵」，主打高級粵菜，餐廳坐擁維港靚景，座位夠闊落，坐得非常舒服，另外仲有獨立廂房，亦啱一班人聚會。 中午點心套餐 (每位$358，兩位起)套餐共有6款點心，主食及甜品各1款。 蟹皇蒸燒賣 ＆ 荀尖鮮蝦餃點心非常足料，即叫即蒸熱騰騰，鮮蝦餃大大隻蝦肉，荀粒爽甜好有口感，而燒賣亦好大粒，整體幾紮實，帶點菇香。 百花釀魚肚蝦膠幾大舊而且彈牙，配搭綿滑魚肚好夾。 韭黄鮮蝦腸腸粉皮幾薄，重點係啖啖蝦肉好足料，而且腸粉上枱時已經切件，非常貼心。 蜂巢帶子芋角芋角炸得好鬆脆！外型好可愛，用金色樹葉碟子裝住更有奢華感，而中間包住厚厚帶子，餡料嘅芋泥幾香滑，好食 ！👍鍋燒和牛生煎包生煎包用熱鍋上菜，店員會係上菜時係蓋邊淋上酒，焗一焗再開蓋，本身熱鍋入面有蔥段及紫洋蔥等，聞落食落更香，生煎包外層帶點甜，厚度適中，餡料用咗黑椒和牛粒，幾惹味。 上湯煎粉果粉果外層炸到脆身而且幾煙韌，一啲都唔覺油膩，餡料蝦粒幾多，配搭用金華火腿及雞熬煮嘅上湯一齊食，好好食，推！ ❤️❤️叉燒薑蔥撈麵主食可以揀撈麵或炒飯，我地揀咗撈麵，麵屬於幼身，質感彈牙，另配上叉燒絲及蔥絲。 清香竹葉角及新疆紅棗糕甜品亦係即叫
中午點心套餐 (每位$358，兩位起)
套餐共有6款點心，主食及甜品各1款。
蟹皇蒸燒賣 ＆ 荀尖鮮蝦餃
點心非常足料，即叫即蒸熱騰騰，鮮蝦餃大大隻蝦肉，荀粒爽甜好有口感，而燒賣亦好大粒，整體幾紮實，帶點菇香。
百花釀魚肚
蝦膠幾大舊而且彈牙，配搭綿滑魚肚好夾。
韭黄鮮蝦腸
腸粉皮幾薄，重點係啖啖蝦肉好足料，而且腸粉上枱時已經切件，非常貼心。
蜂巢帶子芋角
芋角炸得好鬆脆！外型好可愛，用金色樹葉碟子裝住更有奢華感，而中間包住厚厚帶子，餡料嘅芋泥幾香滑，好食 ！👍
鍋燒和牛生煎包
生煎包用熱鍋上菜，店員會係上菜時係蓋邊淋上酒，焗一焗再開蓋，本身熱鍋入面有蔥段及紫洋蔥等，聞落食落更香，生煎包外層帶點甜，厚度適中，餡料用咗黑椒和牛粒，幾惹味。
上湯煎粉果
粉果外層炸到脆身而且幾煙韌，一啲都唔覺油膩，餡料蝦粒幾多，配搭用金華火腿及雞熬煮嘅上湯一齊食，好好食，推！ ❤️❤️
叉燒薑蔥撈麵
主食可以揀撈麵或炒飯，我地揀咗撈麵，麵屬於幼身，質感彈牙，另配上叉燒絲及蔥絲。
清香竹葉角及新疆紅棗糕
甜品亦係即叫即蒸，紅棗及椰汁味道好平衡，甜而不膩，口感好煙韌，唔錯喎。
餐廳環境及食物質素好好，點心嘅水準亦唔錯，上湯煎粉果有啲驚喜，另外店員服務貼心，會主動幫忙加水，整體用餐體驗唔錯。😊
Post
