椰子日記 (Closed)

今日同廣州同事行經油麻地，見到間甜品舖停左喺度，話估唔到油麻地都有佢地嘅網紅甜品喎～話佢喺廣州成日都因為太多人而無食到（下刪一千字）。ok啦，盡地主之誼，請佢食啦。🥄椰子主題甜品，賣相好得，冰凍椰子碗裝住冰涼沙沙口感嘅水果同冰沙，又真係令人食指大動。🥥巴西莓碗 $56 - 藍莓同士多啤梨🍓嘅配搭，顏色好靚。酸酸甜甜冰冰涼涼，炎炎夏日又幾開胃解暑～🥥黃金海岸椰子碗 $50 - 上面舊熱情果酸到爆炸，但出奇地同椰味冰沙，同茫果肉好夾。🍼椰奶藍水晶 $35 - 藍色啫喱連同椰奶滑入口，有d似以前飲過嘅許留x茫椰奶x，不過呢個飲品主打係椰奶唔係茫果，較香椰奶味。🥝奇異果乳酸菌 $27 - 酸酸地，有d奇異果味，幫助腸胃消化之選。✏️店舖細細，雖然有兩三個企位可以堂食。但我覺得佢嘅外賣包裝精緻，飲品又大大杯，自己可以搵個好地方慢慢享受先係皇道。