Video
Read full review
2019-09-16
1831 views
餐廳：新記雞粥 (旺角)地址：旺角花園街1號鴻禧大廈地下5號舖位於旺角花園街嘅新記雞粥係元朗老字號嘅其中一間分店，除左有唔少雜誌、飲食頻道報導過之外，仲係Openrice優秀開飯店大賞2018入面拎左最優秀開飯粥粉麵店優異獎，而出名嘅新假期週刊亦選左新記雞粥為香港8大滑雞粥之一馳名貴妃雞粥 $51新記煲仔雞粥之所以咁出名同獲獎，除左新記以鮮嫩嘅母雞燉粥之外，仲用左超過20款嘅藥材同香料、蝦乾同瑤柱烹煮出黎，貴妃雞除左啖啖肉夠嫩滑之外，亦伴隨住陣陣藥材同酒香，粥底以泰國絲苗米煲成，幼細綿滑，加上貴妃雞嘅香味滲透入粥入面，難怪新記嘅粥咁出名啦蔥花蝦米腸粉 $19每一條腸粉都密佈住蔥花同鹹香嘅蝦米，腸粉唔痴底，爽口嫩滑，食每一啖都充滿住傳統懷舊嘅味道，呢到能夠有咁出色嘅香港地道美食真係唔話得，亦係新記雞粥比較多人叫嘅一款食物蒜泥汁脆皮豆腐 $32脆皮豆腐香脆可口，外面薄薄一層脆皮而內裡嘅豆腐豆味香濃細滑，就咁食可以品嚐到新鮮豆腐嘅豆香，而蘸埋附送嘅蒜泥汁，令脆皮豆腐更為吸引好味，蒜泥汁味濃而不鹹，非常搭配
地址：旺角花園街1號鴻禧大廈地下5號舖
位於旺角花園街嘅新記雞粥係元朗老字號嘅其中一間分店，除左有唔少雜誌、飲食頻道報導過之外，仲係Openrice優秀開飯店大賞2018入面拎左最優秀開飯粥粉麵店優異獎，而出名嘅新假期週刊亦選左新記雞粥為香港8大滑雞粥之一
馳名貴妃雞粥 $51
新記煲仔雞粥之所以咁出名同獲獎，除左新記以鮮嫩嘅母雞燉粥之外，仲用左超過20款嘅藥材同香料、蝦乾同瑤柱烹煮出黎，貴妃雞除左啖啖肉夠嫩滑之外，亦伴隨住陣陣藥材同酒香，粥底以泰國絲苗米煲成，幼細綿滑，加上貴妃雞嘅香味滲透入粥入面，難怪新記嘅粥咁出名啦
蔥花蝦米腸粉 $19
每一條腸粉都密佈住蔥花同鹹香嘅蝦米，腸粉唔痴底，爽口嫩滑，食每一啖都充滿住傳統懷舊嘅味道，呢到能夠有咁出色嘅香港地道美食真係唔話得，亦係新記雞粥比較多人叫嘅一款食物
蒜泥汁脆皮豆腐 $32
脆皮豆腐香脆可口，外面薄薄一層脆皮而內裡嘅豆腐豆味香濃細滑，就咁食可以品嚐到新鮮豆腐嘅豆香，而蘸埋附送嘅蒜泥汁，令脆皮豆腐更為吸引好味，蒜泥汁味濃而不鹹，非常搭配
Post
