HighFive (Closed)

今日喺姊妹既介紹之下黎到九龍城搵食，俾我搵到呢間西餐廳，環境優美，牆上可愛既卡通畫加上特高既樓底好有空間感，令人坐得好舒服，咁就同 honey 傾幾耐都唔怕啦。凍朱古力，可可味道香濃而唔太甜， 正合我意，比出面飲到嘅更加綿滑，有啲似奶昔咁嘅口感，令我喺野食未黎之前都已經幾乎飲哂。跟餐既沙律，份量都唔細，沙律菜新鮮，仲有少有既紅菜頭。黑松露野菌湯，湯面的黑松露油，加上熱騰騰的野菌湯，散發出極強的黑松露野菌香味，沒有不好喝的理由。野菌忌廉意式雲吞，一上枱已經聞到勁香既芝士味，擺入口更加係不得了，好香啊，雲吞既餡料有菜蓉，一啖一粒，好快已經俾我地掃哂。迷迭香雞翼，成隻雞翼基本上就係 pesto 醬既味道，正正就是賣飛彿，五隻雞翼隻隻都俾 peato 包裹住，充斥住佢獨特既香味，yummy 。烤美國頂級肉眼扒，肉眼扒被烤好鎖住肉汁，特別鐘意邊邊既位置，烤得特別香，肉汁特別濃，身為配菜既露荀亦都好新鮮，點埋少少牛扒汁，好味。食飽飽再同逛吓九龍城街市買吓餸，美滿既一日。