東京街日本料理 (馬頭角道)

Open Now

Now Closed

為何深宵總是餓？ 呢幾日落雨，通常早少少食晚飯，然後夜晚又想食宵夜，但係落雨又唔想落樓。所以今晚挑起條筋，決定買定宵夜外賣返屋企晏的食。其實事緣係因為行去坐車返屋企時，咁啱經過呢間外賣壽司店，然後咁啱見到不少人等外賣，有街坊look 嘅人、有似剛收工嘅人、亦有一對情侶嘅人。然後好奇之下睇下餐牌，然後見佢食物係即叫即做，需時間等約十分鐘，然後價格又合理，咁咪買個外賣咁囉。食物種類頗多、有手卷、有和食 、有壽司定食、亦有魚生飯丼。最後選了《北海道丼》（$168），鍾意食多款魚生，本來以為只有一個飯丼，原來仲包沙律、同埋一罐汽水，真係好鬼開心。返到屋企到念嘅時候打開一睇 … 嘩 ～ 估唔到仲有彩蛋添。好高質外賣魚生丼飯，有超大帶子、肥美三文魚腩、鮮甜油甘魚、甘香海膽、香濃蟹肉蟹膏，仲配有玉子、蟹柳、紫菜絲、青瓜粒及大量三文魚子，真係超足料又用心。真心超驚喜十分滿足，而且餐具精美、衞生方便，以咁嘅價錢，外賣店能夠提供咁高嘅質量，真係冇得彈。老實說甚至比不少堂食餐廳更高質。我好少有食緊嘅時候，已經好想聽日再返去encore 。呢間「東京街」真係得，推薦值得去試。