Video
Read full review
2006-02-14
9 views
有緣千里能相會今晚黎到呢間小小店真係靠緣份呢個舖位可以話係最旺既地方成日都會行過但真係會記起又停底又會睇下個menu又真係肚餓就唔係次次都會今晚剪完頭髮剪左個從來無預計過既髮型驚之餘都有少少喜心血來潮行黎呢頭搵野食心目中指定左一定要食烏冬發現呢間料理竟然仲係度睇menu覺得其實都幾貴於是週圍行走一輪都係把心一橫除鞋入左去結果無失望一個人坐係近門口位一路食一路聽到老闆同各熟客對話原來都係一個緣份故事話說幾年前佢係大阪識左日本女友仲因為咁而學識左整薄餅宜家都仲裱起左當年開張果日既日文版日曆(3月14號)做紀念用一盤生意去紀念一段緣份真係唔容易叫左一個好古怪既組合雞柳湯烏冬加配日本年糕連兩位廚師聽到都下左一聲但係又無難到佢地喎一樣好食湯底應該屬於豉油湯底加埋少少香辣吊味加左好多芝麻同紫菜碎香氣撲鼻如果煮得再熱尐會覺得更加幸福年糕本身已經好好食落左湯都無影響到煙韌度當然如果食燒餅會更加好啦但係一個人食燒餅感覺好怪份量少就係大家都知架喇小店成本高都係要原諒既誠意搭救丫嘛嫌貴可以考慮平日晚黎食八十幾蚊既放題其實好多時緣份就係咁明明呢間小店就係位於最多人行過既地方但係人往往就係匆匆忙忙忽略左身邊最平
今晚黎到呢間小小店真係靠緣份
呢個舖位可以話係最旺既地方
成日都會行過
但真係會記起又停底又會睇下個menu
又真係肚餓就唔係次次都會
今晚剪完頭髮
剪左個從來無預計過既髮型
驚之餘都有少少喜
心血來潮行黎呢頭搵野食
心目中指定左一定要食烏冬
發現呢間料理竟然仲係度
睇menu覺得其實都幾貴
於是週圍行走一輪
都係把心一橫除鞋入左去
結果無失望
一個人坐係近門口位
一路食一路聽到老闆同各熟客對話
原來都係一個緣份故事
話說幾年前佢係大阪識左日本女友
仲因為咁而學識左整薄餅
宜家都仲裱起左當年
開張果日既日文版日曆(3月14號)做紀念
用一盤生意去紀念一段緣份
真係唔容易
叫左一個好古怪既組合
雞柳湯烏冬加配日本年糕
連兩位廚師聽到都下左一聲
但係又無難到佢地喎一樣好食
湯底應該屬於豉油湯底加埋少少香辣吊味
加左好多芝麻同紫菜碎香氣撲鼻
如果煮得再熱尐會覺得更加幸福
年糕本身已經好好食
落左湯都無影響到煙韌度
當然如果食燒餅會更加好啦
但係一個人食燒餅感覺好怪
份量少就係大家都知架喇
小店成本高都係要原諒既誠意搭救丫嘛
嫌貴可以考慮平日晚黎食八十幾蚊既放題
其實好多時緣份就係咁
明明呢間小店就係位於最多人行過既地方
但係人往往就係匆匆忙忙
忽略左身邊最平凡但係又最好既野
又或者行到埋去
又會有好多現實既顧慮令你做唔到決定
緣份可以令好多野改變
亦都可以令好多野永遠唔變
聽講有可能會擴充
希望點變都keep住呢份小店既浪漫感覺
同老闆既呢份誠意
Post