Phoenix Sweets (Closed)

中環元創方晌剛過去嘅五、六、日搞咗個「沖繩 x 緣日」嘅夏祭，猶如一個小型嘅日本傳統廟會，聽聞好不熱鬧。雖然小弟都在中環工作，可謂「咁近城隍廟，點解唔求番支好簽」，皆因有事未能一睹依次「廟會」盛況。不過，多謝好友心意，送我兩個嚟自「Phoenix Sweets」嘅杯子蛋糕，讓我有個甜美嘅下午茶！雖然只喺杯子蛋糕，但包裝得好高雅精緻，仲貼有一張小貼紙，提醒唔使放入雪櫃，擺晌室温就可以喇。Pistachio $35以混有開心果仁碎嘅牛油蛋糕配開心果牛油忌廉為組合，牛油忌廉之上，灑點果仁碎，又放幾粒朱古力星星，平實中帶點點可愛。開心果牛油忌廉唔單止軟滑，而且，開心果味十分突出，輕柔卻唔覺得肥膩；下層嘅牛油蛋糕果真混有開心果仁碎，口感挺實而帶點濕潤。Matcha Red Bean $35以混有紅豆粒嘅牛油蛋糕配宇治抹茶牛油忌廉為組合，外型比起Pistachio更平實，都只喺以少少紅豆蓉放晌牛油忌廉上作裝飾。確實，宇治抹茶牛油忌廉做得非常柔滑，富抹茶嘅幽香，最合心水喺明顯減低咗個甜度，唔會一味死甜，可謂甜度啱啱好；而牛油蛋糕部份，可惜喺內裡嘅紅豆粒得好少，如再多啲就更正喇！原來喺為咗夏祭嘅限定新