Video
Read full review
2014-07-06
2107 views
今日喺觀塘做完野巧遇粉絲同佢fds,真係太有緣太開心la!所以一齊去食個晚飯開心下~佢推介去呢間相當唔錯的日本餐廳,仲搵返張陳年8折咭,ha~記得好多年前我去過一次,之後就冇機會再來了~今日重臨舊地~別有一種感受~apm行過去,喺門口經過左都唔知,餐廳未開門,連門牌都冇,以為佢結業了~再回頭行多轉,先發現餐廳大門,原來係未夠鐘所以門閂左燈未開~之後我地嘗試推一推門,先發現有人喺入面,再問多句~服務員話未夠鐘入坐,但我地可以喺玄關位坐住等坐坐下陸續都有其他客人入黎~佢地繼續一齊坐住等~幸好好快夠鐘,我地可以入坐了~作為第一批入坐的冇訂枱客人~服務員好似好有計劃地帶我地去左個餐廳最深入的位置~睇睇餐牌~~大路日菜款式~壽司燒物乜都有d,圖片都好吸引~我地緊係點左d必食款式黎小試實力先la!蟹子沙律 - 主要係青瓜絲同蟹柳絲,入口唔係咁涼,青瓜絲算係爽口,尚算新鮮,蟹柳絲少d,但係都食得出~蟹子冇想像中咁多,感覺唔係咁豐富辣味螺肉 - 唔會有任何差馳的款式,凍冰冰但唔辣壽司魚生當算新鮮~冇腥味,三文魚,帶子,赤貝入口感覺有鮮味但質感唔重~唔會有再安哥的衝動,可能過於室溫顯得失色了,壽司飯我覺
佢推介去呢間相當唔錯的日本餐廳,仲搵返張陳年8折咭,ha~
記得好多年前我去過一次,之後就冇機會再來了~今日重臨舊地~別有一種感受~
apm行過去,喺門口經過左都唔知,餐廳未開門,連門牌都冇,以為佢結業了~
再回頭行多轉,先發現餐廳大門,原來係未夠鐘所以門閂左燈未開~
之後我地嘗試推一推門,先發現有人喺入面,再問多句~
服務員話未夠鐘入坐,但我地可以喺玄關位坐住等
坐坐下陸續都有其他客人入黎~佢地繼續一齊坐住等~幸好好快夠鐘,我地可以入坐了~
作為第一批入坐的冇訂枱客人~服務員好似好有計劃地帶我地去左個餐廳最深入的位置~
睇睇餐牌~~大路日菜款式~壽司燒物乜都有d,圖片都好吸引~
我地緊係點左d必食款式黎小試實力先la!
蟹子沙律 - 主要係青瓜絲同蟹柳絲,入口唔係咁涼,青瓜絲算係爽口,尚算新鮮,蟹柳絲少d,但係都食得出~蟹子冇想像中咁多,感覺唔係咁豐富
辣味螺肉 - 唔會有任何差馳的款式,凍冰冰但唔辣
壽司魚生當算新鮮~冇腥味,三文魚,帶子,赤貝入口感覺有鮮味但質感唔重~唔會有再安哥的衝動,可能過於室溫顯得失色了,壽司飯我覺得太大舊,壓得過實,亦唔能夠做到一口一件~
可能餐廳覺得咁等於抵食d掛~我就覺得NO GOOD 了
鰻魚壽司 - 鰻魚真係好大件~超市來貨品~我覺得即使係咁都可以再加以燒燒~再少比客人感覺有加工過,唔係拎出黎灯熱就算
芥末八爪魚壽司 - 好重的芥末味~為我地的味覺帶黎非常刺激的震撼!!
三色天婦羅 - 味道一般過一般,我覺得唔可以叫做天婦羅,最多叫做炸蔬菜,而且餐廳冇特別調配天婦羅汁..
牛油焗什菌 - 唔會太重的牛油味~有少少可惜~什菌細細粒,冇乜口感,來來回回咁夾黎食的時候,就好似做物理治療咁~
燒日本小蕃薯 - 一啖一粒,出面燒得熱熱,入面軟軟~好甜好好味~
芝士年糕 + 炸芋頭糕 - 芝士年糕炸得好通透~咬開入面d芝士仲可以滴出黎~真係熱死人~芋頭糕好有芋頭味~炸得出面脆入面軟~唔錯~
餐廳出品算係唔差~但係真係冇令人想再加單的興趣,再加上那班不叫不動的服務員的服務態度,不免令我覺得這個晚飯留下了污點,最後埋單的時候,粉絲拿了那張陳年8拆咭出來,服務員話這張咭已經過時,不能再用,但我們一睇再睇,咭上雖無講明係永久通用,但都冇寫有限日期,兩者爭持之下,服務員一下就說: 不能用..我們便企直了,~okok..既然係咁,我們就只好收手了~我覺得作為一間食店,想要留住客人的話可以有好多圓滑的手法,但既然咁有原則,我地都無謂勉強,服務員的一言一行,我們都不敢忘記~
總括黎講..算係見識過佢的出品~可見的未來相信唔會再見,真心希望佢地他日可以有所進步
Other Info. :
店舖洗手間設備唔係咁令人滿意~要經過廚房重地,所以迫迫細細濕濕窄窄…所以可以的話都係忍耐一下,搵另一個更好的解手吧~!
(The above review is the personal opinion of a user which does not represent OpenRice's point of view.)
Post
