緣聚鮮鍋 (Closed)

每次黎到荃灣要同朋友放題火鍋總會諗起食肆雲集嘅大鴻輝, 今次決定試新野緣聚鮮鍋入到去第一印象好乾淨即刻加分，食物每樣放得整齊款式一目了然.. 醬汁茶葉通通自助，菜類至少有十款，仲有其他火鍋嘅基本配料。飲品放題亦係我最關注嘅一項, 啤酒區預先將酒杯雪涷好有心思！而飲品款式亦大眾化，亮點係summi嘅低糖果汁，飲多兩包都無咁内疚感 😙今次食左下午茶黎所以無主攻餐前小食同熱盤，要留肚打邊爐，不過如果大家肚餓絕對不要錯過！首先當然要睇下打算食回本嘅肉類質素如何啦！有黑豚肉，封門柳，豬梅肉，牛肩胛，牛板腱，牛頸脊, 估唔到有咁多款而且肉質不錯, 配上麻辣湯底超滿足。唔想岀去拎仲可以Qr code落單服務周全！海鮮樣樣都試下，蠔肉，沙白，扇貝，魷魚，鯇魚腩，海蝦 ，基本上都新鮮無雪味。最尾雖然已經好飽但點都要食埋甜品做總結。有唔同口味嘅啫喱，味道唔會太甜夠清新，我就試左乳酪雪糕on top自己配料🥰個人覺得放題以此價錢都算值回票值，自問真係食左好多肉，感覺已賺 😌