Video
Read full review
2018-08-06
4772 views
只有小貓三四隻食客，大量座位隨便坐，環境更清靜、更通爽、更舒適、更有私人空間，夫復何求啊 ﹗新 promotion 喎，擇日不如撞日，就試試。活海女鮑魚，其實即係九孔鮑；元貝蟹膏燒，其實即係帆立貝。又有新菜色，八爪魚生蠔湯及韮菜生蠔煎餅，梗係要試啦 ﹗我曾經講過點都要試一次原塊牛扒，緣份終於到喇，就食特級牛肉眼跟美女分享。還有每月當造海鮮併盤都非常吸引呢，但兩口子又食到幾多喎，都係等緣份到再嘆吧﹗兩口子隨便叫叫就好，量力而為不要浪費。真露原味，韓烤當然唔係韓啤就真露啦，更能特顯烤肉的味道 ﹗而且我怨氣爆鏢要飲酒減壓，真怒 ﹗先飲為敬，飲勝﹗韓國生啤 hite，味淡清爽易入口，夠冰凍透心涼，燒肉配啤酒天作之合。次次都真露有點悶，轉下飲啤酒啦。泡菜，酸酸甜甜辣辣爽脆，每口充滿菜汁，撈飯好味，夾烤肉捲成生菜包更好食 ，如果淨食味道有點太濃。白菜仔，十分少出動的前菜，麻香爽嫩多汁不苦澀但無咩甜味，水潤無比都幾好食。辣味魚蛋，韓國魚蛋長長扁扁的，咸咸地、油油地、少少辣，不愛。胡麻醬雜菜沙律，我一向對此道菜麻麻地，而且味道及食材都普通平凡，我要留肚肉肉肉啊，食肉獸是也﹗大豆芽，油鹽咸番爽爽多汁，其
又有新菜色，八爪魚生蠔湯及韮菜生蠔煎餅，梗係要試啦 ﹗我曾經講過點都要試一次原塊牛扒，緣份終於到喇，就食特級牛肉眼跟美女分享。還有每月當造海鮮併盤都非常吸引呢，但兩口子又食到幾多喎，都係等緣份到再嘆吧﹗兩口子隨便叫叫就好，量力而為不要浪費。
真露原味，韓烤當然唔係韓啤就真露啦，更能特顯烤肉的味道 ﹗而且我怨氣爆鏢要飲酒減壓，真怒 ﹗先飲為敬，飲勝﹗韓國生啤 hite，味淡清爽易入口，夠冰凍透心涼，燒肉配啤酒天作之合。次次都真露有點悶，轉下飲啤酒啦。
泡菜，酸酸甜甜辣辣爽脆，每口充滿菜汁，撈飯好味，夾烤肉捲成生菜包更好食 ，如果淨食味道有點太濃。白菜仔，十分少出動的前菜，麻香爽嫩多汁不苦澀但無咩甜味，水潤無比都幾好食。
辣味魚蛋，韓國魚蛋長長扁扁的，咸咸地、油油地、少少辣，不愛。胡麻醬雜菜沙律，我一向對此道菜麻麻地，而且味道及食材都普通平凡，我要留肚肉肉肉啊，食肉獸是也﹗大豆芽，油鹽咸番爽爽多汁，其中一款我最愛的小碟，大注大注搶住食，好味啊﹗
蔥花蘿蔔大豆芽清雞湯，跟醬油蟹送的例湯，名乎其實的清湯，果然好鬼清淡，兩啖放棄。我好奇地向眼鏡哥哥查詢可否要紫菜湯，不要那個大豆芽湯啊？但他竟說要問問廚房師傅。屯門炑八係紫菜湯黎架，似乎每間分店做法不一樣。
醬油蟹，嘆過尖沙咀、屯門、銅鑼灣出品既醬油蟹，最巨形依間荃灣咯！爆高又爆肌，一隻頂兩隻，比佐敦醬缸醬油蟹還要更大隻、更多肉、更多膏、更肥美、更鮮甜，實在太誇張喇，多謝食神保祐。
蟹身蟹殼都塞滿蟹膏，勁到滴出黎喇！刮出蟹膏，唧出蟹肉跟白飯混和，淋上海鮮豉油真係食幾碗飯都唔夠呢 ﹗軟棉濕潤半透明的蟹肉，甘香黏黏的蟹膏，乾爽嚥韌的珍珠飯粒，好食到發夢都彈起身。食晒成碗飯都仲有蟹拑蟹腳剩，梗係唔好浪費啜晒去啦。
我真的真的十分緊張興奮，受寵若驚 ﹗配蟹子蟹膏蟹柳飯？您認真的嗎？係 promotion 嗎？不是跟普通紫菜飯嗎？師傅依份大禮那麼重手，不得了﹗萬分感激，滾動到想死呀，多謝多謝多謝。
蟹子蟹膏蟹柳飯撈埋蟹膏蟹肉海鮮醬油，大大啖隊入嘴仔脹卜卜，好食到飛起，暈得一陣陣 ﹗鮮甜彈彈嫩嫩綿婂滑滑，多汁黏黏濕濕，蟹味海鮮味飯味打得火熱，百感交集味道層次翻滾，此味只應天上有，Good ﹗
只係撈醬油蟹膏蟹肉海鮮醬油還未夠滿足，加埋熱騰騰爐邊嫩滑烤泡菜滑蛋，甜甜蛋香帶著爽脆泡菜粒，世界頂級美味，好食到打冷震，食到停唔到口，已經好飽都要食晒為止呢﹗
八爪魚生蠔湯，新出品一試難忘，再試投降 ﹗幾粒生蠔縮到好似大海撈針一樣，蠔 BB 您好嗎？瘦猛猛、奀滋滋、乾爭爭。只有一舊幾條鬚的八爪魚，嚥嚥韌韌無味道。昆布湯都清淡如水，無八爪魚味、無生蠔味，呷幾起已左件心事，放棄。
辣海鮮豆腐湯，海鮮過熟乃正常不過，海蝦、沙蜆、青口過過口癮還可以。辣湯充滿海鮮味都好好飲，不過似乎泡菜豬肉湯更加好味。硬豆腐都可以接受，豆香出眾，我更愛滑豆腐，極愛絹豆腐添呀﹗有石鍋無甩拖﹗滾住出場香噴噴食慾大增，趁熱飲才好味道，一凍左就大打節扣喇。
活海女鮑魚，元貝蟹膏燒，特價海鮮推廣 $18 蚊隻明顯便是 $18 蚊隻的水平，完全不新鮮，沒味道沒鮮味，頂硬上免強吞晒落肚，不吃也罷，浪費金錢之選。
海鮮併盤，有北寄貝、韓國大蜆、珍珠蜆。雖然韓燒店提供海鮮一向麻麻地，即管一試。難得是活貝類，似乎有點睇頭喎。要將龜背鐵板轉做綱才可以燒呢，麻煩侍應妺妹幫幫忙啊。幾種貝類顯然有點瘦削，欠肥美欠飽滿，幸好都散發著微微鮮貝肉甜味，肉質富彈性，合格一試無妨。
炑八特製護心肉，原來只有豬護心肉，沒有牛護心肉的，多年來都完全誤會晒，失禮失禮。護心肉幾乎每次必食，不過食開原味無添加，有醃的都係第一次，美女要食醃肉的啊。貌似熟成過的護心肉，部份顏色呈深啡色，甜美醬油加香料，醃味清爽不混濁不過火。肉質滑溜彈牙，天然肉香回味無窮，十分開胃醒神。
烤肉醬、泡菜、特製護心肉，捲成生菜包超好食呀 ﹗什麼都包得一餐，烤肉夾青椒、蒜頭、泡菜好好味，韓國芝麻葉味道怪怪的但幾好食喎。
特級牛肉眼，已幫襯炑八多次，從未試過原塊牛扒，機會黎喇 ﹗成塊燒真係好震憾，好鬼爽呀 ﹗聽到油脂鬼殺咁嘈，噼嚦啪喇好興奮。燒到兩面焦香就可以剪開作最後衝刺，得左﹗肉質細緻嬌嫩，牛脂超級澎湃超級油潤，食完嘴仔立立令，潤脣膏都不用了。入口即溶非常滑溜，但牛味就有點偏淡，沾點燒烤醬蠻不錯。
牛臉肉，美女指定菜色，我就好少會點上道菜。鬆化帶粗纖維，鬆化不鞋口，質素不過不失，只是我不太喜歡啫。原來剛才海鮮豆腐湯有飯跟架，當然不可以浪費，食埋去 ﹗烤牛臉肉護心肉撈飯，簡直說不出話來，只不停聽到吾吾吾的讚嘆之音，好美味啊﹗
真露原味
51 views
0 likes
0 comments
韓國生啤 hite
39 views
0 likes
0 comments
泡菜
39 views
0 likes
0 comments
白菜仔
23 views
0 likes
0 comments
辣味魚蛋
27 views
0 likes
0 comments
胡麻醬雜菜沙律
30 views
0 likes
0 comments
蔥花蘿蔔大豆芽清雞湯
28 views
0 likes
0 comments
醬油蟹
44 views
0 likes
0 comments
醬油蟹
111 views
0 likes
0 comments
蟹子蟹膏蟹柳飯
44 views
0 likes
0 comments
蟹子蟹膏蟹柳飯
37 views
0 likes
0 comments
八爪魚生蠔湯
32 views
0 likes
0 comments
辣海鮮豆腐湯
22 views
0 likes
0 comments
活海女鮑魚、元貝蟹膏燒
28 views
0 likes
0 comments
海鮮併盤，北寄貝、韓國大蜆、珍珠蜆
31 views
0 likes
0 comments
海鮮併盤，北寄貝、韓國大蜆、珍珠蜆
23 views
0 likes
0 comments
炑八特製護心肉
16 views
0 likes
0 comments
特級牛肉眼
23 views
0 likes
0 comments
特級牛肉眼
19 views
0 likes
0 comments
炑八特製護心肉
25 views
0 likes
0 comments
牛臉肉、護心肉
23 views
0 likes
0 comments
牛臉肉
24 views
0 likes
0 comments
炑八特製護心肉
14 views
0 likes
0 comments
活海女鮑魚、元貝蟹膏燒
26 views
0 likes
0 comments
活海女鮑魚
20 views
0 likes
0 comments
Post
