Video
Read full review
2024-07-22
145 views
-全為緬因貓而來 🐱超大型又溫馴的貓貓，望住佢哋超可愛，覺得好幸福！ლ(╹◡╹ლ)環境好乾淨，一啲異味都冇，貓咪應該住得好舒服，仲見到隻好可愛嘅貓BB，不過仲係隱藏版，未見得人！？🍽️講返餐點💚廚師炒時令蔬 西蘭花🥦顏色翠綠，只係使用簡單調味，屬於健康之選。💛日式柚子胡麻忌廉煮青口除咗青口之外，入面大量菇類、蘆筍同車厘茄、蔬菜全部都新鮮，忌廉醬汁偏向重口味，濃味醬汁好彩有蔬菜甜味配搭，仲有麵包夠脆帶少少燶邊，整體配料都豐富，食得飽！🥩（肉肉）香烤美國殼飼肉眼80z配紅酒汁$286 （七成熟 Medium Well）紅酒汁食落有少少似牛扒燒汁，牛扒質素都正常，所以簡單調味就夠啦，但七成熟熟咗少少，應該叫medium，生少少會再好食啲，接近肥膏邊位嘅位置味道都唔錯，牛扒仲配咗薯格同埋蔬菜。🍹TGIF - Thanks God It's Friday🍎梳打蘋果汁，入面仲加咗檸檬片，感覺好refresh，味道都唔錯！☁️Cloudy ☁️ 呢個冷萃伯爵茶微糖，唔會太甜，感覺幾清爽，除咗伯爵茶仲有好輕微嘅苺香，飲品面頭仲有泡沫，真係好似飲緊雲層一樣。🍰巴斯克芝士蛋糕 $60香濃誘惑的芝士蛋糕。✨🐱奴必
全為緬因貓而來 🐱超大型又溫馴的貓貓，望住佢哋超可愛，覺得好幸福！
ლ(╹◡╹ლ)環境好乾淨，一啲異味都冇，貓咪應該住得好舒服，仲見到隻好可愛嘅貓BB，不過仲係隱藏版，未見得人！？
🍽️講返餐點
💚廚師炒時令蔬
西蘭花🥦顏色翠綠，只係使用簡單調味，屬於健康之選。
💛日式柚子胡麻忌廉煮青口
除咗青口之外，入面大量菇類、蘆筍同車厘茄、蔬菜全部都新鮮，忌廉醬汁偏向重口味，濃味醬汁好彩有蔬菜甜味配搭，仲有麵包夠脆帶少少燶邊，整體配料都豐富，食得飽！
🥩（肉肉）香烤美國殼飼肉眼80z配紅酒汁$286 （七成熟 Medium Well）
紅酒汁食落有少少似牛扒燒汁，牛扒質素都正常，所以簡單調味就夠啦，但七成熟熟咗少少，應該叫medium，生少少會再好食啲，接近肥膏邊位嘅位置味道都唔錯，牛扒仲配咗薯格同埋蔬菜。
🍹TGIF - Thanks God It's Friday
🍎梳打蘋果汁，入面仲加咗檸檬片，感覺好refresh，味道都唔錯！
☁️Cloudy ☁️
呢個冷萃伯爵茶微糖，唔會太甜，感覺幾清爽，除咗伯爵茶仲有好輕微嘅苺香，飲品面頭仲有泡沫，真係好似飲緊雲層一樣。
🍰巴斯克芝士蛋糕 $60
香濃誘惑的芝士蛋糕。
✨🐱奴必去，為咗貓咪可以過嚟幫襯吓，望住佢哋咩煩惱都冇晒啦！
🩷員工都好錫貓咪，暫時亦都見唔到咩衛生問題，客人們對貓咪都好溫柔，感覺良好！
🐱毛所樹樹 (長沙灣)
📍長沙灣青山道124-126號Spark City地舖
#素食 #寵物友善 #貓貓cafe
-
Post
