花園餐廳 (金百利廣場)

Open Now

Now Closed

以前間中都會同朋友去下花園餐廳食，覺得d扒餐都ok，又夠飽。隔左好耐，昨晚同朋友補祝生日，四個女仔選了這間花園試一試。可能時間尚早，六點幾，無咩人食，我地有卡位坐。點了四個T骨扒餐，忌廉湯先上，同豆粉水無咩分別。個餐飽細左，小小的，都ok，免得浪費吧。到上扒，一個侍應手拎晒四個鐵板停在我身旁，佢唔驚，我驚d lor~ 其他人(應該經理)見到即刻話叫佢分開拎呀嘛，便走過來幫忙放低，但係我同朋友仔已經被d熱汁彈親塊面同隻眼(我們已經拿了紙巾擋，可是他根本不是由低位放進枱內，而係hold住在我們頭上再放落枱，這根本是避不了的。)總覺得個份量少左，因為我地四個女仔都食得晒兼唔夠飽。不過件扒都ok既~到落餐飲，唔知點解個女侍應唔寫字，要我地repeat左五六次先記得(佢每次重覆都錯)。我點凍奶茶，超甜，連杯飲品都越來越"求其"。下次都係去返第二間。