太興 (Closed)

黎到銅鑼灣，第一次食呢間太興，位置就腳易搵。門口泊左好多篋，實在太方便「自由行」shopping！座位好迫好窄，兩人只可坐半邊卡位，旺舖，明白的！打開餐牌，選擇好少（相對其他店少好多），價錢亦貴啲。杯奶茶一黎到，嘩，好細杯！！！比其他店細杯好多（睇個杯蓋就知細左成個圈）。你租貴，價錢貴啲好合理，但唔駛連野飲都要縮水呀！？活動送既餐蛋麵：味道依然好，足料。落單時阿姐話會check左個coupon code得唔得先會落單，好。阿姐：「有客食完用唔到張劵，要俾碗麵既錢，咁就食左唔開心丫嘛！」 好同意！食得又急又迫，下次都係揀第二間分店。