Video
Read full review
2008-01-11
6 views
話說前日打算同朋友仔去食tea，見呢度對讚不絕口，於是決定去試一試~當日3:15pm打去，佢話3pm開門，而家可以上去，就約埋朋友一齊上去。去到，個侍應好求其咁叫我：「坐呢度la」我一望，嘩！成間野無人你叫我坐廚房門口﹖坐底後，放低左份menu就同另一個侍應企埋一邊吹水。當日想食沙律，見佢有3款，就打算問下佢有咩唔同。點知有兩款無之餘第三款佢仲要答：「都係普通沙律囉，只係加幾隻蝦同橙咁之嘛，無咩特別咁囉」似乎呢位侍應想幫公司倒米...既然無，我就叫個蜜桃雞肉酥皮卷+ LATTE，朋友就叫左個芒果夾心cheese cake + 果茶。Latte細細杯，味道尚算唔錯，朋友既cheese cake味道真係不俗，不過個質感好似moouse cake咁，咁岩朋友最怕moouse cake既感覺，所以佢無加分，而佢杯野飲就約15mins後先到我個酥皮卷等左30mins都未到，就搵個侍應黎追下，好辛苦先令到佢地知我叫緊佢地(因為佢地好忙咁吹緊水)，叫佢追完之後，完全無交帶過我知發生咩事之餘，我要再等多約15mins先見到我既酥皮卷！其實我已經將我既latte清哂，但係佢地本身坐底連水都無杯俾我地，仲
當日3:15pm打去，佢話3pm開門，而家可以上去，就約埋朋友一齊上去。
去到，個侍應好求其咁叫我：「坐呢度la」我一望，嘩！成間野無人你叫我坐廚房門口﹖
坐底後，放低左份menu就同另一個侍應企埋一邊吹水。當日想食沙律，見佢有3款，就打算問下佢有咩唔同。點知有兩款無之餘第三款佢仲要答：「都係普通沙律囉，只係加幾隻蝦同橙咁之嘛，無咩特別咁囉」似乎呢位侍應想幫公司倒米...
既然無，我就叫個蜜桃雞肉酥皮卷+ LATTE，朋友就叫左個芒果夾心cheese cake + 果茶。
Latte細細杯，味道尚算唔錯，朋友既cheese cake味道真係不俗，不過個質感好似moouse cake咁，咁岩朋友最怕moouse cake既感覺，所以佢無加分，而佢杯野飲就約15mins後先到
我個酥皮卷等左30mins都未到，就搵個侍應黎追下，好辛苦先令到佢地知我叫緊佢地(因為佢地好忙咁吹緊水)，叫佢追完之後，完全無交帶過我知發生咩事之餘，我要再等多約15mins先見到我既酥皮卷！
其實我已經將我既latte清哂，但係佢地本身坐底連水都無杯俾我地，仲要我主動叫佢俾水我地~ 唉~
等左45mins先有得食，理論上應該不俗，但係入口個感覺發現蜜桃同雞既口味好怪，加埋竟然係酸的！等咁耐只等到呢個咁難入口既野食，真係... 無言！
總括黎講，我只可以覺得呢度個cake唔錯，好可惜服務實在太唔掂，以咁既價錢好多cafe服務好佢好多，個人覺得絕對唔值得為個cake而黎呢度~
Post