Video
Read full review
2020-09-13
1717 views
早幾年黎過龍景軒飲茶，每次既經驗都好好，除咗食物質素高，亦對侍應既熱情招待好滿意。幾個月前見到四季有promotion，買dinner coupon有7折，即刻諗住買黎試下晚餐。原本諗住媽媽9月生日，一家人黎慶祝。由於疫情嚴重，宜家不打算和老人家出街食飯，但coupon月尾又到期，趁晚市開番，就孖住家姐去食餐豪華宴啦！因為當日下午才訂位，所以冇窗口位啦！不過比起疫症前，即日訂到位都好難得！我地得兩個人，但好多野都想試，最後叫左個幾樣唔同種類既餸菜試吓！叫完餸，侍應會和客人講一次佢因應菜式濃淡味道，建議菜式既上菜次序，好貼心。跟住就先送上一碟廚師餐前小食，好似蝦角咁，幾香口!第一碟上菜係炸釀鮮蟹蓋，蟹肉夠鮮味，2個人share 1個唔係好夠分😅跟住上既係有機黑白蒜京蔥爆龍蝦球，蒜片炸到好香脆，味道幾好，但龍蝦球唔算好彈牙！似蝦球多D! 要9百幾蚊就有少少失望！再黎有包羅萬有，故名思義係樣樣都有一舊，因為呢個係位上，可以讓客人樣樣野都試吓。有鮑魚、花膠、海參、乾瑤柱、冬菇和豬腳筋，味道都幾好架！跟住上呢碟係紅炆原件星斑腩，沙窩上，下面又有火熱住，好有誠意！星斑腩好滑，仲有菜心和豆腐，再加埋
因為當日下午才訂位，所以冇窗口位啦！不過比起疫症前，即日訂到位都好難得！
我地得兩個人，但好多野都想試，最後叫左個幾樣唔同種類既餸菜試吓！叫完餸，侍應會和客人講一次佢因應菜式濃淡味道，建議菜式既上菜次序，好貼心。跟住就先送上一碟廚師餐前小食，好似蝦角咁，幾香口!
第一碟上菜係炸釀鮮蟹蓋，蟹肉夠鮮味，2個人share 1個唔係好夠分😅
跟住上既係有機黑白蒜京蔥爆龍蝦球，蒜片炸到好香脆，味道幾好，但龍蝦球唔算好彈牙！似蝦球多D! 要9百幾蚊就有少少失望！
再黎有包羅萬有，故名思義係樣樣都有一舊，因為呢個係位上，可以讓客人樣樣野都試吓。有鮑魚、花膠、海參、乾瑤柱、冬菇和豬腳筋，味道都幾好架！
跟住上呢碟係紅炆原件星斑腩，沙窩上，下面又有火熱住，好有誠意！星斑腩好滑，仲有菜心和豆腐，再加埋個汁，送飯一流，所以我地叫多咗碗飯🤣🤣🤣
最後一道菜係脆炸芝麻西檸雞，唔知係咪開始飽，覺得呢味廚師推介就一般般啦！細心位係西檸汁係比客人自己落，唔會一早淋上面令到舊雞個皮淋晒！
食晒咁多碟餸再加3碗白飯，真係超飽，再食唔落甜品啦！侍應就好細心送上熱茶和免費糕點😘
整體黎講，成餐飯都幾滿意！👍👍👍總算試過米芝蓮3星既晚餐，味道確實唔錯，再加上環境和服務，真係正！埋單要$3000，剛好用3張coupons, 折左都要$2100，確實幾貴！不過疫情之下，好耐無出街食飯，間中一次啦！況且，市道差，真係要刺激下經濟！💪💪💪
Post
