大呷台灣 (Closed)

中環除咗有唔少越南菜同酒吧外，間唔中都想食下台灣嘢，所以就揀咗佢😜 咁呢間都幾方便，喺Donki對上嘅威靈頓街就係啦。餐廳有各種台式麵食同台式飲品，例如珍珠奶茶🧋干貝蔥油雞扒乾拌麵 配上湯 $98揀咗拌麵跟鹽酥雞排，拌麵係干貝蔥油味🍜 每條麵都沾上醬油，面頭仲有好多蔥頭同蝦米，味道濃厚，不過唔會太鹹，平衡得幾好😚 另外，拌麵嘅麵條係伊麵嘅粗度，麵條煙韌，又掛到汁。呢個拌麵另配埋上湯，湯頭帶鹹，不過可以撈埋濃郁嘅蔥頭拌麵🤓酥炸雞扒麵 $83朋友叫咗湯麵，同樣係跟鹽酥雞排🐥 鹽酥雞排大大份，應該有五、六大切件。鹽酥雞排肉質唔會硬爭爭，仲有肉汁，唯炸皮略厚🙈 湯麵嘅湯底係清湯，有唔少蔬菜拌，例如蘿蔔同白菜仔。整體嚟講，呢款湯麵雖然清淡啲，但加埋鹽酥雞排就夠晒味😗香炸蚵仔酥 $68一般都好少見到呢個菜式，所以就叫咗🦪 原來佢係將平時嘅蚵仔一隻一隻咁炸脆，蚵仔本身個size唔算太大，細細隻，一口一啖。記住趁熱食，咁先脆，如果炸粉再薄啲就更好😝黑糖珍珠奶茶 $28黑糖漿好多，店員就提我哋一定要攪勻咗先好飲，我覺得佢個奶茶偏向重茶味🧋香芋珍珠奶茶 $28香芋味都夠足，佢嘅香芋紫色都幾靚，珍珠食落去都