Lemongrass (Closed)

星期三周中呢個時間十分尷尬，工作上面又多事，又要OT，自自然然想搵個舒服d既地方食野，今日就黎左呢間奧海城既泰國菜食。估唔到佢同一般泰國菜比有好多出面食唔到既野，今晚就食左個咖哩羊膝，味道甜而不辣，羊既味道好好兼且好大份，唔會好似食羊架咁食一兩件唔夠喉。而軟殼蟹檬粉就初初睇個樣有d乾，落左魚露之後個味同質感就返返曬黎，加上軟殼蟹切件上，令到每一啖都好有風味。最後野飲叫左杯黑牛，而家係茶餐廳都好少飲到既野竟然係商場飲到，都幾神奇。