Little Break Coffee & Kitchen (Closed)

今次嚟食呢間，係有次路過但聞到勁香burger味，心心念念的一間餐廳。開正大馬路隔離，又叫做little break，直情係一個好大嘅對比。咁岩朋友生日，就bk左呢間食生日飯！入到去，都見到有好多位bk左，店員好有禮貌帶我入座。睇左menu一陣，太多choice十五十六，終於都揀左芝士和牛漢堡+黑松露醬薯條，另外朋友嗌左黑松露蘑菇意粉，加$44配餐湯同嘢飲。是日餐湯係蕃茄湯，顏色非常鮮豔，酸酸甜甜都唔錯，入面仲有蕃茄塊。不過有啲大碗，飲左2/3覺得有啲甜同漏。呢款包外脆內軟，面上的瓜子為餐包增添咗口感。期待已久的芝士和牛burger送到！老實講，係無揀錯！burger包面超脆身，芝士，煙肉，和牛扒，煎蛋，生菜，蕃茄同酸瓜，都係我最鍾意的餡，配合一齊天衣無縫，肉汁、蛋汁四溢，極之惹味！至於黑松露醬點薯條都好正，不過呢隻薯條屬較軟身的，需要趁熱食，放耐左會軟~黑松露白汁蘑菇意粉就麻麻，冇乜黑松露味，白汁都唔係好cream嘅個種，食落覺得好鹹，可能自己食唔慣啦~呢間黃店，店員都好nice，見到我地影相，主動問我地洗唔洗幫手，大讚！