Wanderlust (Closed)

聽聞銅鑼灣樓上開咗間好靚嘅花花蝴蝶餐廳🦋鍾意打卡嘅我嘅即刻去咗，周圍佈置都好繁花似錦🌹喺邊度影相都咁靚，另外估唔到嘢食都好特別。🌱Padthai style gnocchetti sardi with bacon呢個係泰式金邊粉嘅味道，但係用上意大利嘅gnocchetti，調味啱啱好而且唔辣，好有特色。💫VELVET GOLDMINE紫醉金迷呢個超級靚呀，上面有不同嘅食用花，下面有紫薯雜菌意大利飯，成個飯都係紫色，一拎上嚟好似件藝術品咁。仲有芝士大蝦同埋青口，意大利飯只有淡淡嘅紫薯味，整體係好食嘅。👼🏻The Fallen Angel推介打卡必嗌🤣有一個好浮誇嘅羽毛加月亮座，上面就係放咗皇冠嘅三層士多啤梨pancake🥞 pancake鬆軟加埋士多啤梨醬係一個好食嘅甜品，不過都幾飽。💜芋香紫米露奶昔紫色奶昔再加一個粉紅色嘅天使翼同埋側邊嘅蝴蝶結，成件事好少女心。飲落去係淡淡嘅紫米露味道，食到有芋頭但係芋頭味唔係咁出。🍌香蕉朱古力奶昔呢杯嘅裝飾係走可愛裝飾仲有隻鴨仔棉花糖喺上面，朋友話香蕉朱古力都幾好飲。