Video
Read full review
2024-02-18
3260 views
💐熊妹太耐無同馬騮妹同埋熊貓妹見面喇，咁難得見面梗係揀返間靚靚餐廳食飯啦。其實熊妹嚟過《THE PONT》都有好幾次，就係覺得裝潢好適合港女打卡📸，而且環境超級大，食物價錢又非常親民🤑，地理位置仲要係超級方便嘅旺角朗豪坊，種種因素都無理由唔揀呢一間做今晚嘅落腳點。📌地點就係位於旺角朗豪坊2️⃣樓，簡單啲嚟講，就係以前麥當勞嘅位置，可想而知舖頭有幾大，頂到咁大間舖頭，睇嚟租金都唔惹少，但係食物價錢又冇因為咁而提高個價，都係大路cafe價錢，係咁嘅餐廳環境入面進食絕對物超所值✅！📌餐廳環境真係好大，有好多張四至六人方形枱，又有梳化位🛋，又有藤椅卡位，仲有幾張少人圓枱。餐廳以花草樹木🍀為主題走田園風🌻。📌牆上又掛咗啲藝術嘅畫像🎭，又帶點歐陸嘅味道🎠，真係每一個點都係打卡位🎦。📌門口仲擺咗個港女打卡吊椅，擺喺門口咁吸睛，望到佢都想入嚟餐廳，唔食嘢都要黎打張卡喇。📌餐牌真係大路cafe美食，有多款前菜🥗同小食🍥、漢堡包🍔、全日早餐🍱、牛角窩夫🥐、麵包多士🍞、意粉🍝、意大利飯🍚、主食牛扒🥩、海鮮🦐同特色甜品🍩，飲品就有咖啡同果茶🍵。📌二月開始仲有新年限定Menu，有三款新推出的新年菜式，期間限定梗係要
💐熊妹太耐無同馬騮妹同埋熊貓妹見面喇，咁難得見面梗係揀返間靚靚餐廳食飯啦。其實熊妹嚟過《THE PONT》都有好幾次，就係覺得裝潢好適合港女打卡📸，而且環境超級大，食物價錢又非常親民🤑，地理位置仲要係超級方便嘅旺角朗豪坊，種種因素都無理由唔揀呢一間做今晚嘅落腳點。
📌地點就係位於旺角朗豪坊2️⃣樓，簡單啲嚟講，就係以前麥當勞嘅位置，可想而知舖頭有幾大，頂到咁大間舖頭，睇嚟租金都唔惹少，但係食物價錢又冇因為咁而提高個價，都係大路cafe價錢，係咁嘅餐廳環境入面進食絕對物超所值✅！
📌餐廳環境真係好大，有好多張四至六人方形枱，又有梳化位🛋，又有藤椅卡位，仲有幾張少人圓枱。餐廳以花草樹木🍀為主題走田園風🌻。
📌牆上又掛咗啲藝術嘅畫像🎭，又帶點歐陸嘅味道🎠，真係每一個點都係打卡位🎦。
📌門口仲擺咗個港女打卡吊椅，擺喺門口咁吸睛，望到佢都想入嚟餐廳，唔食嘢都要黎打張卡喇。
📌餐牌真係大路cafe美食，有多款前菜🥗同小食🍥、漢堡包🍔、全日早餐🍱、牛角窩夫🥐、麵包多士🍞、意粉🍝、意大利飯🍚、主食牛扒🥩、海鮮🦐同特色甜品🍩，飲品就有咖啡同果茶🍵。
📌二月開始仲有新年限定Menu，有三款新推出的新年菜式，期間限定梗係要試吓啦🆕！
煙三文魚薯仔沙律
$85
32 views
0 likes
0 comments
嘩！一上枱擺盤咁靚嘅，煙三文魚砌成一朵金花放喺一堆薯仔沙律上面，側邊仲有啲花瓣同蕃茄仔青瓜片🥒做點綴，成件事就好似一碟綻放咗嘅鮮花一樣🌹，花花綠綠，真係賞心悅目。
煙三文魚薯仔沙律
$85
25 views
0 likes
0 comments
泰式辣肉墨西哥脆脆
$69
12 views
0 likes
0 comments
熊貓妹好鍾意食nachos，問佢小食想食咩？佢就一定揀咗呢款。
一般坊間nachos都係芝士焗，呢款nachos除咗芝士鋪滿面頭之外，仲加咗啲泰式肉碎。Nachos份量都好多，係香濃芝士味，烤焗過仲香脆，加埋面頭嘅芝士真係Double芝士🧀享受，香辣肉碎唔算好辣，食食吓又會食到啲肉碎粒，餐前食幾片nachos，食食吓飯又食幾片nachos，真係一款好滋味的小食。
帶子牛柳粒燴意大利飯
$128
16 views
0 likes
0 comments
新年期間梗係試吓新年限定新嘢啦！兩大粒帶子，兩大粒蕃茄仔🍅，仲有五六嚿牛柳粒🐮鋪係一大堆creamy嘅意大利飯上面，側邊仲灑上芝士碎🧀，成碟飯材料好豐富。
帶子表面上下煎烤過，變成金黃色，帶子肉好飽滿，食落去好彈牙好有咬口，簡單咁樣煎烤過，已經可以帶出帶子嘅海水味🌊，唔錯。
帶子牛柳粒燴意大利飯
$128
18 views
0 likes
0 comments
松露忌廉牛肝菌意大利粉
$95
17 views
0 likes
0 comments
實不相瞞，熊妹每次嚟《THE PONT》都會叫呢款牛肝菌意大利粉🍝，因為真係好好味。
第一次食，已經俾佢嘅松露牛肝菌味深深吸引住，然後從此就記住左呢個味道。今次一上枱，依然芬香撲鼻👃🏻，香氣四溢，係美食令人增加食慾嘅重要元素⚛️。
蘑菇🍄切成粒狀，份量都好多，仲有啲牛肝菌，意粉係有咬口嘅7️⃣分鐘熟度，係熊妹最愛嘅熟度，最怕係淋身嘅意粉。面頭灑滿芝士碎令到忌廉醬汁更濃稠，醬汁撈滿松碎，食落口好creamy又充滿松露味道，松露愛好者一定對它愛不釋手💕，就即係熊妹，亦都係點解咁多次到訪都成為必點的項目💜。
磯燒牛扒香蔥莎莎三文治
$128
24 views
0 likes
0 comments
冇諗過又係超大一碟，麵包用上sourdough🍞，面頭鋪咗三大塊磯燒牛扒，淋左啲香蔥莎莎汁，仲有幾片沙律菜🥬同埋蕃茄仔🍅，伴碟有一大堆粗薯條跟蕃茄汁🥫，份量咁多得唔得㗎？
磯燒牛扒香蔥莎莎三文治
$128
10 views
0 likes
0 comments
薯條🍟多到食極都食唔晒，長粗薯條中間有淋身薯仔蓉🥔，熊妹最鍾意食就係呢款薯條。
THE PONT 法式野莓吐司配雪糕
$79
24 views
0 likes
0 comments
甜品由馬騮妹揀，一望餐牌就比呢個法式吐司吸引住，賣相真係色彩繽紛🎨。
THE PONT 法式野莓吐司配雪糕
$79
7 views
0 likes
0 comments
焙茶鮮奶
$40
20 views
0 likes
0 comments
馬嬲妹同熊貓妹要養生，唔食唔飲甜嘢，由熊妹自己叫飲品，正！
晚上唔飲咖啡就改飲焙茶鮮奶啦！焙茶味濃🍃，飲到最後都仲見到杰撻撻嘅焙茶粉喺底，茶味濃得來又會滲少少淡淡的牛奶味🥛，焙茶做拿鐵都係幾好嘅配搭！
13 views
0 likes
0 comments
Post
