Video
Read full review
2016-03-12
569 views
今日黎到旺角啲嘢整，收完工整完野都已經差唔多九點，諗緊附近有咩啱食嘅時候，突然諗起李家，所以就決定去食個炸雞啤一啤。呢間位於煙廠街樓上嘅李家其實我都唔係第一次試，雖然價錢比普通餐廳貴少少，但係勝在唔使等位就有得食。差唔多每次你都好都係可以即入，唔會好似尖沙咀嗰間咁要排長龍。我哋去到間餐廳，已經可以即刻坐低。雖然之後你嘅人有時要等一等先可以入座，但都係十分鐘左右就坐得低。餐廳嘅座位比較疏落，多數枱都係坐四人卡位，由於今日唔係好覺有大枱，所以我都唔知其實佢啲枱拍唔拍得埋做大枱。但係如果3,4知己黎食飯，就唔使驚因為同隔離枱太近，佢把聲仲大過你搞到傾唔到計。不過可能由於現場既燈光太暗，每張枱主要用黎照明既只係得頭頂果盞燈，所以食食下飯對眼就會好辛苦，成個人都好似好眼訓咁。每張枱都會有2款前菜，包括係酸白蘿蔔同埋菜絲沙律(沙律醬好似試到有少少梅味，不過唔肯定)。食完仲可以無限refill。我次次黎呢到食，都由於主菜要等太耐 (15-20mins左右)，都會fill多過1,2次。不過呢，你唔好expect呢到有好好既service，由我地入黎坐底開始，員工既態度都麻麻地，多數時間都係自顧自咁傾計
餐廳嘅座位比較疏落，多數枱都係坐四人卡位，由於今日唔係好覺有大枱，所以我都唔知其實佢啲枱拍唔拍得埋做大枱。但係如果3,4知己黎食飯，就唔使驚因為同隔離枱太近，佢把聲仲大過你搞到傾唔到計。不過可能由於現場既燈光太暗，每張枱主要用黎照明既只係得頭頂果盞燈，所以食食下飯對眼就會好辛苦，成個人都好似好眼訓咁。
每張枱都會有2款前菜，包括係酸白蘿蔔同埋菜絲沙律(沙律醬好似試到有少少梅味，不過唔肯定)。食完仲可以無限refill。我次次黎呢到食，都由於主菜要等太耐 (15-20mins左右)，都會fill多過1,2次。
不過呢，你唔好expect呢到有好好既service，由我地入黎坐底開始，員工既態度都麻麻地，多數時間都係自顧自咁傾計，有時仲要企係我地隔離枱同自己員工吹水，聲量仲要大過我地。呢個價錢但咁既服務質素，好似有D唔值。
芝士辣雞炒年糕
呢個芝士辣雞炒年糕一上枱，已經超吸引我，因為佢勁多芝士舖係面，又多辣汁，如果係芝士迷一定超鐘意。 不過可惜，佢雞同埋年糕唔係多好，D雞肉係一粒粒細細地，呢個菜式應該係sell緊芝士，而唔係辣雞同埋炒年糕, 哈哈！！
豉油炸雞上次食完原味炸雞，所以今次就試下豉油炸雞。等左一陣，終於黎到炸雞，但係唔知點解望落好似細份過上次黎食。同埋呢個雞食落有少少咸，食完要飲返啖啤酒爽一爽先得。
500cc生啤油食炸雞又點可以少得杯啤酒呢，佢有分日式生啤同埋韓式生啤。今次我地就點左日式，個啤酒仲會送一小杯蝦條。成晚呢餐飯，原來最吸引我個蝦條
Post
