La Bons Cafe (Closed)

第二次來，不過這次是夜晚。訂了八點正既枱，早了少少到，個場都幾爆。今次都係食set dinner：西蘭花忌廉湯：個湯好滑，另外佢加左d蛋花，感覺好似蟹肉咁。餐包：依然是外脆內軟，不錯！野菌素鮑魚天使麵配炸雞寶：很清淡的一個主菜，沒有濃濃的醬汁，食完唔會太飽太滯。天使麵軟硬適中，唔太硬但上碟既賣相又靚。炸雞寶有三件，雞肉上只有薄薄的粉漿，香脆之餘又唔油膩，抵讚！咖啡：即磨咖啡，又香又濃。不愛咖啡的人可選果茶，友人說味道也OK，只是太細杯罷了。遺憾是還沒有試心太軟，唯有再等下一次。