Video
Read full review
2008-12-21
4 views
甜魔聚會翌日，小弟繼續去吃自助餐，唔同的是今次唔係私人聚會，而是公司function，地點為尖沙咀的Todai。講些少資料，Todai座落於美麗華商場地庫，好多人會誤以為係隸屬美麗華酒店/集團的F&B outlet。其實不是，這只是集團租出去的一個地方，與Mira Hotel是完全沒有關係的。言歸正傳，這裡的食物選擇繁多，尤以冷盤為甚。壽司、太卷、刺身，擺放得整齊有心思，感覺新鮮。吞拿魚、希靈魚、玉子、鰻魚等味道良好，其中三文魚最為鮮甜，我幾欣賞的，就日式冷盤已經來了2 round。除日式食物外，冷盤還有長腳蟹和生蠔選擇。同檯有人彈長腳蟹唔好味，但我又覺得ok喎，肉質幾鮮甜的；生蠔則相對遜色，不夠肥美。雖然如此，我也吃掉了十隻，成績還算不錯呢！一向對自助餐的熱食不感興趣，今次也只是選擇性地吃了一點燒牛肉和羊架。可能曾在英國生活過既關係，對英式燒牛肉總有情意結，呢度既燒牛肉嫩滑好味道，加上充足既gravy，很有親切感。至於羊架，肉質也鬆軟，但味道清淡，若配上Mint Sauce，可能會更好。聖誕當然要吃點火雞應節，取了一小片回來，不甚好吃。吃了兩隻焗蠔，相信是剛剛焗起，熱呼呼的，幾香口，
講些少資料，Todai座落於美麗華商場地庫，好多人會誤以為係隸屬美麗華酒店/集團的F&B outlet。其實不是，這只是集團租出去的一個地方，與Mira Hotel是完全沒有關係的。
言歸正傳，這裡的食物選擇繁多，尤以冷盤為甚。壽司、太卷、刺身，擺放得整齊有心思，感覺新鮮。吞拿魚、希靈魚、玉子、鰻魚等味道良好，其中三文魚最為鮮甜，我幾欣賞的，就日式冷盤已經來了2 round。
除日式食物外，冷盤還有長腳蟹和生蠔選擇。同檯有人彈長腳蟹唔好味，但我又覺得ok喎，肉質幾鮮甜的；生蠔則相對遜色，不夠肥美。雖然如此，我也吃掉了十隻，成績還算不錯呢！
一向對自助餐的熱食不感興趣，今次也只是選擇性地吃了一點燒牛肉和羊架。可能曾在英國生活過既關係，對英式燒牛肉總有情意結，呢度既燒牛肉嫩滑好味道，加上充足既gravy，很有親切感。至於羊架，肉質也鬆軟，但味道清淡，若配上Mint Sauce，可能會更好。聖誕當然要吃點火雞應節，取了一小片回來，不甚好吃。
吃了兩隻焗蠔，相信是剛剛焗起，熱呼呼的，幾香口，比生蠔要好。
細食既我，呢個時候已飽得七七八八，但怎樣飽也不可能錯過甜品。走過甜品區巡一轉，朱古力噴泉、布丁、蛋糕、梳乎梨、雪糕等基本野都有，足夠了。第一輪先來幾件蛋糕，Tiramisu咖啡味幾重；Chocolate Truffle有入口溶化的情況，口感細緻；名叫聖誕樹幹的蛋糕，是濃濃的芝士配上朱古力蛋糕，味道濃郁，我很喜歡。
2nd round甜品是攞梳乎梨。每隔十五分鐘出一次，肯定是剛焗起的。熱騰騰，香噴噴，外層焗得鬆，相當美味。
朱古力及芒果味雪糕，單看賣相已經估到佢唔掂，果然是太硬，死實實咁。味道也不是濃郁，實有點失望。吃完兩球之後也沒有再追加了。
$298加一，算幾抵食。沒有跟餐飲，卻令我覺得討厭，希望店方可以檢討一下。但總的言，今餐我是滿意的。
Post
