曼谷泰菜 (Closed)

好耐無嚟灣仔食晏，所以今次試下泰菜。星期五大約12點幾仲有好多枱，唔洗 book 位真係好。Lunch set 都有好多選擇，價錢係灣仔區嚟講算合理。我嗌咗個朝炒口噴靚紅咖喱雞 ($78)，對我嚟講就一啲都唔辣。個咖喱汁好香椰味同香料味，撈飯食真係一流。雞肉就不過不失，唔係太入味，但起碼無雪味，但將雞肉切成幼條食落唔太過癮。另外仲有薯仔做配料。整體份量ok，食落唔係話好飽。跟餐包埋泰國紅花茶，酸酸甜甜好開胃。